Aruba National Trust ta preparando pa Global Sustainable Island Summit 2025: integrando herencia, clima y resiliencia communitario

Oranjestad, Aruba — Aruba National Trust ta preparando pa participa den e Island Innovation Global Sustainable Islands Summit cu lo tuma luga ariba 25 di mei te cu 30 di mei 2025 na St. Kitts and Nevis. E evento internacional aki ta reuni lider di islanan for di tur parti di mundo pa comparti solucion innovativo riba desaroyo sostenibel, resilensia climatico y preservacion di herencia cultural.
E cumbre ta reuni gobernante, organizacion no gubernamental, academia y sector priva pa intercambia conocemento, strategia y instrumento cu ta adapta pa e desafionan unico cu islanan ta enfrenta. Pa Aruba y e region Hulandes, e cumbre aki ta un oportunidad esencial pa pone nos bos dilanti den e diálogo global y pa sigura cu e solucionnan ta base riba nos realidadnan y nos historia.
Dicon e ta importante pa Aruba
Nos herencia natural y cultural ta na riesgo. Cambio climático, aumento di temperatura, y precion social-cultural manera americanisacion, eurocentrismo y un sistema di educacion cu ta duna prioridad na narrativa europeo ta menasa e identidad y sostenibilidad di nos pueblo. Herencia no ta solamente edificio colonial, pero tambe tradicion oral, tecnicanan di pesca y sembra, paisahe natural y memoria colectivo.
Aruba National Trust ta kere cu e tempo a yega pa move e enfoke for di preservacion di logro europeo y arkitectura inadapta na nos clima, y pa amplia herencia di tur pueblo cu a contribui na formacion di Aruba: esta Afro-Caribense, Indigena, latinoamericano, asiatico y europeo. E ta hora pa decolonisa e manera con nos ta mira y proteha nos herencia.
Un rol regional y un responsabilidad global
Durante e cumbre di 2025, Aruba National Trust tin como meta pa aporta na representacion mas amplio di e islanan di Reino Hulandes y lo co-organisa un evento tematico hunto cu e red global di National Trusts (INTO). E evento aki lo explora con herencia por wordo combina cu strategia climatico y economico, modificando modelonan existente manera ‘Sclavitud Hulandes’, Pan-Africano y tambe modelo Indigena riba maneho di tereno y conocimento ancestral.
Encuentronan di integracion comunitario
Como preparacion pa e summit, Aruba National Trust lo organisa un serie di ‘Encuentrunan di Integracion’. Esakinan no ta simplemente consultacion, nan ta un yamada pa traha huntu. Nos ta desea reuni comunidadnan di tur origen, departamento gubernamental, organizacion cultural y cargadornan di conocimento pa forma un modelo di herencia mas inclusivo pa Aruba.
Un ehempel ta cu diferente comunidad local tin su propio metodo di pesca y preservacion natural, pero e conosemento nunca a wordo documenta of reconoci como herencia. Aruba ta
solamente consist di “Arubiano” sino di un mosaiko bibo di cultura y ecosistema cu ta crea un Arubiano. Nos herencia mester refleha esaki.
Yamada pa accion
Nos ta haci un apelacion na comunidad y na Gobierno di Aruba pa duna sosten y apoyo den e proceso aki. Nos lo manda invitacion pa e ‘Encuentrunan di Integracion’ pronto. Si nos a laga bo grupo afo, por fabor tuma contacto cu nos..
Contacto: info@stichtingrancho.org
Laga nos traha hunto pa defini kiko mester wordo preserva, exponi, y pasa pa nos generacionnan den futuro.

solamente consist di “Arubiano” sino di un mosaiko bibo di cultura y ecosistema cu ta crea un Arubiano. Nos herencia mester refleha esaki.
Yamada pa accion
Nos ta haci un apelacion na comunidad y na Gobierno di Aruba pa duna sosten y apoyo den e proceso aki. Nos lo manda invitacion pa e ‘Encuentrunan di Integracion’ pronto. Si nos a laga bo grupo afo, por fabor tuma contacto cu nos..
Contacto: info@stichtingrancho.org
Laga nos traha hunto pa defini kiko mester wordo preserva, exponi, y pasa pa nos generacionnan den futuro.