Parlamentario Evelyn Wever-Croes : PARTIDO MEP TA HIBANDO UN OPOSICION FUERTE Y LO SIGUI ACTIVO DEN MEDIONAN SOCIAL

ORANJESTAD – Den e ultimo dianan aki, Fraccion di Movimiento Electoral di Pueblo MEP ta hañando hopi reacion riba e echo cu partido MEP ta hopi activo riba medionan social. Un par di e comentarionan aki ta negativo pero tin hopi positivo tambe y pa cu esakinan partido MEP ta hopi agradeci.

Parlamentario Evelyn Wever-Croes a indica cu su partido ta hopi riba medionan social paso nan ta hibando un oposicion fuerte. E ekipo di MEP den parlamento ta esunnan mas experiencia y cu mas conocimento y lo sigui activo manera semper nan tabata, hasta den gobernacion.

Durante gobernacion di Gabinete Wever-Croes tur e mandatarionan tabata bishita e fundacionnan y bishita e proyectonan cu tabata of tin andando y esaki no lo cambia awor cu nan ta oposicion den Parlamento.

“Mi a priminti desde e prome dia despues di resultado di eleccion, cu unda mi lo ta, mi tey pa defende interes general di pais Aruba. Pues comunidad di Aruba lo sigui wak mi persona y mi coleganan activo pa hopi tempo ainda” Paralmentario Wever-Croes a expresa.