TA FALTA UN SIMAN PA BRIGHT SUMMER FESTIVAL
Hopi ta esnan cu a pasa riba LG Smith Boulevard y a mira con e trabounan ta avansando pa e ‘Bright Summer Festival’ cu lo tuma lugar diasabra awor dia 9 di Augustus 2025 na Bushiri Beach Arena. Cu presentacionan di artistanan internacional manera Kapo, Cultura Profética, Jeon y mas, Aruba y su bishitantenan lo disfruta di un festival nobo cu ta priminti di bay bira algo anual. Ja caba por mira cu e stage principal ta hopi avansa. Tambe por mira un tent grandisimo cu ta bay bira parti di e entrada y tambe e ‘House of Friends Stage by Casa Amigos Tequila’. Aki e bishitante di e festival por disfruta di musica electronico cu dj’s local y intenacional. Ariba e main stage lo tin musica completamente varia cu diferente banda.
Na e momentonan aki ja tin miles di persona cu a cumpra nan entrada y ta premira cu e siman cu ta bin aki e benta lo sigi subi mirando e entusiasmo di tur persona. Ta importante pa menciona cu hobenan di 16 y 17 aña por drenta si nan ta acompaña pa un adulto responsabel.
Esnan cu ja a cumpra nan ticket, nan mester keda pendiente cu e siman aki lo anuncia for di ki dia por cuminsa cambia bo ticket ( sea fisico of digital ) pa bo banchi. Esaki ta e asina jama ‘Will Call’. Esaki ta facilita e proceso ora di yega na porta pa drenta e festival. Tambe por confirma cu lo tin un ‘food court’ ayera hopi varia cu diferente proveedor di cuminda manera Chichi’s, Toko San Nicolas, Candelay Boka’s.
Pa loke ta e tereno mes di e festival, lo tin un lounge area tambe unda si bo a cansa di para, bo por pasa pa relaha y sigi disfruta di e festival cu ta cuminsa for di 6 or di atardi te cu 3 or di marduga.
Ticketnan pa e evento aki ta na benta na Citgo Boulevard, Citgo Essoville, Pay.aw y brightsummeraruba.com. Ainda tin espacio den e area di standing vip y tambe general. Tur area tin un garantia di bon sonido y bon bista riba e escenario.
Bright Summer Festival ta Powered by Amstel Bright, CasaAmigos Tequila, Romar Trading, Embassy Suites, Renaissance Wind Creek Aruba Resort, Rayo, Kini Kini, Elite Empire & Entertainment, Pelican Pier y Infinity Media & Events.
