JOIA Aruba by Iberostar ta Participa den ICMS 2025 cu un Presentacion riba Sostenibilidad

Oranjestad, Aruba — 28 di mei 2025 — JOIA Aruba by Iberostar a participa orguyosamente den e “International Conference Marine Science” (ICMS 2025), cu a tuma luga na Universidad di Aruba, como e unico hotel cu a representa den e dialogo global importante aki tocante conservacion di lama y sostenibilidad.

Representando Iberostar Hotels & Resorts, Lyn Santos, Directora Global di Stewardship di Destinacion, a ser invita como un orador. Durante su presentacion, Santos a comparti informacion tocante e trabou cu ta wordo haci pa e area di ciencia y solucionnan basa den Naturalesa (NBS) di Iberostar. Lyn a destaca programanan cu ta basa riba conocemento cientifico y cu tin gran impacto den preservacion di ecosistema nan marino. E presentacion a finalisa cu e roadmap pa Destination Stewardship 2030 di e compania, cu ta dirigi riba turismo responsabel.

“Presentando nos trabou riba naturalesa, ciencia, y nos Roadmap di Destination Stewardship na ICMS 2025, ta un oportunidad pa mustra con Iberostar ta conecta ciencia, comunidad y estrategia pa logra un impacto positivo den e destinacionan cu nos ta depende di nan. Nos ta sinti nos orguyoso di por colabora cu partnernan local y internacional pa hasi turismo sostenibel bira realidad,” Lyn Santos a reitera.

Cu un conocemento den marine biology and coastal health management, y hopi aña di liderato den sostenibilidad den sector turistico, Lyn ta dirigi esfuersonan global di Iberostar pa crea aliansa den destinacion y promove turismo responsabel. Via e movecion “Wave of Change” di Iberostar, Lyn ta aboga pa proteha ecosistema nan local mientras ta fortalece prosperidad di e comunidad.

E participacion aki a representa un oportunidad balioso pa introduci e comunidad global na e rol di JOIA Aruba den e famia mas grandi di Iberostar Hotels & Resorts — un compania di famia cu mas di 70 aña di experiencia den industria di hospitalidad y un compromiso fuerte cu calidad den experiencia di e huesped.

For di 2017, Iberostar a desaroya su compromisonan ambiental via su movecion Wave of Change, cu ta sirbi como un roadmap pa promove un modelo di turismo responsabel. E modelo aki ta structura riba siete areanan di enfoke cu ta cubri e aspecto social, gobernacion y ambiental: “Caring for our People, Destination Stewardship, Circular Economy, Nature, Blue Foods, Climate Action, and Responsible Growth”.

Via esakinan, e compania tin su plan fuerte. Den 2024, Iberostar a amplia su departamento di 3R pa 250 miembro — un team global cu ta dedica na elimina despedicio cu ta bai na landfill. Tambe, mas cu 90% di e seafood cu ta wordo sirbi na su hotelnan ta bini for di companianan sostenibel. E compania ta sigui desaroya su programa multinacional pa rif, cu ocho coral nurseries activo den Caribe.

Iberostar tambe a establece un ekipo interno di mas cu 30 cientifico y specialista cu ta traha huntu cu sector publico y priva, y cu e comunidad cientifico pa sostene innovacion y estrategia sostenibel cu ta crea impacto real den su operacionan y den e destinacionan caminda e ta desaroya.

Ademas di e conferencia, Dialuna 26 di mei, JOIA Aruba by Iberostar tawta tin e placer pa duna bon bini mas cu 100 cientifico internacional pa un welcome recepcion na Zima Rooftop, cu a sirbi como un introducion na e compromiso di Aruba pa un modelo di turismo responsabel — tur esaki mientras disfrutando di un atardi impresionante y cu live entertainment.

ICMS 2025 a uni hunto cu researchers, policy makers and innovadornan bou di e tema: “Islanan como hub pa innovacion marino,” cu “Island Labs” interactivo y sesionan di “light talk” cu a wordo diseña pa stimula solucionan colaborativo pa reto ambiental.

Via hechonan, JOIA Aruba by Iberostar a reafirma su compromiso cu dialogonan cu cientificonan, aliansa local, y practicanan sostenibel — cu ta contribui na un futuro mas fuerte pa Aruba y e region, y kedando fiel na e mision di Iberostar su Wave of Change: promoviendo cambio positivo via turismo positivo.

Tocante Iberostar Hotel & Resorts:

“Iberostar Hotels & Resorts” ta e division di hotel cu ta forma e negoshi principal di Grupo Iberostar, un multinacional di Spaña, 100% familiar cu casi 70 aña di historia den sector turistico, cu origen empresarial cu ta bay te 1877. Su portfolio ta inclui 31.500 camber den 100 hotel di cuatro y cinco strea den 13 pais, dedica na ofrece un calidad excepcional y un servicio sincero. Na mes momento nan ta defende e modelo di turismo responsabel cu tin como prioridad, bienestar tanto di e hende como di naturalesa.

Cu 2,5 miyon bishitante pa aña y un presencia privilegia den prome liña di beach, e marca Iberostar Beachfront Resorts ta ofrece tres segmento distinto pa cumpli cu e soño di vacacion di cada turista. Iberostar Waves ta ofrece experencianan yen di diversion, perfecto pa famia y pareha, amante di lama. Iberostar Selection ta ofrece estadianan premium, espacioso y relahante cu un servicio excepcional. Por ultimo, JOIA by Iberostar ta un coleccion di resort di luho na lugarnan exclusivo, cu ta distingui nan mes pa un servicio altamente personalisa y sofistica.

*E portofolio di Beachfront Resorts di Iberostar ta exclui su interesnan na Cuba.

Pa mas informacion por contact PR & Comm ekipo na di JOIA Aruba na: Ghislaine.dewindt@iberostar.com