Miloushka Krozendijk ta empleado superior di Aruba Bank
Oranjestad – 02 di mei 2025 – Miloushka Krozendijk ta empleado superior di Aruba Bank pa luna di maart 2025. Un empleado cu a demostra dedicacion y iniciativa sobresaliente, logrando asina e reconocimento aki.
Advertisements
E compromiso di Miloushka pa semper brinda un experiencia superior na e clientenan di Aruba Bank cu ta refleha e balornan di e banco. Su accionnan ta impacta e clientenan positivamente y ta pone un standard halto pa e excelencia di servicio na cliente.
Miloushka gusta pasa su tempo liber na park, pa relaha y disfruta di e trankilidad di e naturalesa rond di dje.
Pabien Miloushka pa ta un empleado ehemplar cu ta forma parti di Aruba Bank.
