Cuerpo Policial ta informa: A DETENE 2 HOMBER PA POSESION DI ARMA DI CANDELA Y DROGA

Awemainta enconexion cu un investigacion andando un team di special di Polis Team Bijzonder Project (TBP) a haci un entrada hudicial na 1 cas na Camay y un cas na Kurimiauw.

Den e cas na Camay a encontra droga y a detene un hende homber di inicialnan J.P.E. naci na Aruba di 23 aña di edad.

Na e cas na Kurimiauw a detene un hende homber di inicialnan G.D.S. naci na Aruba di 40 aña.

A haci uso di team di aresto pa por a aresta e sospechosonan. Tambe a haci uso di e unidad di K9.
E sospechosonan a wordo entrega na Unit Narcotica cu lo sigi cu e investigacion.

Pa Cuerpo Policial por resolve mas caso cu cooperacion di e pueblo di Aruba. Esaki ta hopi importante pesey nos ta pidi si bo tin cualkier informacion yama nos tiplijn: 11141