Jeon & Steve Andreas ta lansa e cantica mas nobo “Baila”
Despues cu a lansa varios exito e ultimo temporada aki entre otro “Caya Ta Papia, Pege, Bise, lage, awe e duo dinamico cu ta Jeon & Steve Andreas ta lansa e HIT mas nobo riba mercado cu ta “Baila”. Un cantica den e genero di Kompa, cu porcierto ultimo temporada ta masha gusta entre varios artista rond mundo, y por ripara cu mas y mas e genero aki ta sigui crece y capta curason di un y tur. Baila ta produci pa Steve Andreas cu no mester ningun introduccion pa su arte di muziek.
Mester bisa cu despues di un summer tour super exito pa Jeon, inmediatamente trabou nan a continua den studio y pafo. Algun dia pasa, nos por a mira Jeon riba scenario di Caribbean Music Awards, na unda cu e tabata tin e privilegio pa introduci e conocido artista “Bad Bunny como ganador den su categoria. Sigur un momento historico pa nos talento local y un biaha mas, Aruba su nomber a keda rezona riba e tapijt cora y riba tur Plataforma digital.
E cantica “Baila” sigur sin ningun duda lo Conquista mercado pa e sabor y ritmo pegahoso. “Baila” lo ta e cantica cu entrante awe lo rezona riba tur radio radio y mester menciona cu ja caba e ta obtenibel riba tur Plataforma, entre otro Youtube y mucho mas. Importante pa menciona cu e cantica aki lo rezona durante e Rumshop Tour cu ta programa pa inicia den e siman venidero.
Di antemano ta gradici tur radio, dj, plataformanan digital y amantenan di bon musica, pa e sosten cu lo Brinda pa juda e cantica mas nobo “Baila’ bira un otro HIT riba mercado.
