Category: Politica

Ayera mainta para riba un pida tereno di 70 mil meter cuadra na Palmbeach cu Prome Minister Evelyn Wever Croes a negocia pa bende pa un suma di entre 14 pa 17 miyon dollar, Parlamentario di AVP, Benny Sevinger a cuestiona e hecho di con ainda Ministerio Publico no a inicia e investigacion contra e lider di MEP.

Recien mi a reuni cu sr. Chico Harms y sr. Chris Rasmijn di Fundacion Chico Harms. Durante e encuentro ameno nan a indica cu e fundacion ta hayando fondo door di sponsor di diferente compania priva y subsidio anual di Departamento di Cultura. Lamentablemente e placa no ta yega pa cubri tur e gastonan.

Parlamentario pa fraccion di AVP, sr Arthur Dowers, diamars mainta durante di conferencia di prensa,  a ripiti algo cu ya caba pueblo di Aruba ta bon na altura di dje, esta cu Aruba tin  un Prome Minister  den persona di Evelyn Wever Croes, cu ta masha mentiroso mes.

Tatanan ta asumi diferente rolnan sinembargo estudionan ta conclui cu tatanan tin 3 rol primordial: e protector, proveedor y disciplinario. Aunke mester bisa si cu mamanan tambe por actua den e rolnan aki, e ta keda principalmente e rol di e tata.

Partido MEP a tuma nota di e ultimo Reaccion di Comision di Supervision CAFT pa loke ta e reportahe di ehecucion (uitvoeringsrapportage) di e di dos kwartaal di 2022. Locual a resalta den e reaccion aki ta varios punto positivo y alentador relaciona cu e desaroyo financiero economico di pais Aruba.

“E cayanan di Aruba ta deteriorando y no ta den mihor estado”, asina parlamentario Tevreden a duna di conoce durante tratamento di presupuesto di DOW. Aña 2022 no ta tin presupuesto pa asfalta mucho caretera debi na nos situacion financiero cu ya ta conoci. Pero ta tempo pa nos introduci un mihor manera pa mantene, asfalta y construi mas caretera. Tevreden a splica su vision cu den su pensamento ta sostenibel, pagabel, y realisabel pa por asfalta, y mantene caretera na Aruba den bon estado.

Historia di señora Evelyn ta mustra un politico cu ta sigui e mesun trayectoria cu nos ta mira den pasado di MEP y un sinfin di partidonan chikito: oportunismo. Un politico cu no tin ningun idea con e por yuda Aruba progresa, ta uza e topiconan cu na e momento ta mustra oportuno, manera abuso di mucha. Como cu ni Evelyn ni MEP tabatin idea propio pa cu problemanan social na Aruba, a practicamente entrega maneho social den man di señora Glenda Hernandez. Otro ehempel ta e topico di integridad cu a bira popular cu e investigacion riba minister Paul Croes.

“Contratistanan chiquito cu entradanan margina y eherciendo trabaonan ehemplar merece un mihor trato y un entrada husto y completo”. Esaki tabata posición cu Líder di AVP mr. Mike Eman y su fraccion a tuma durante di reunión di Parlamento riba presupuesto di DOW.

Diamars dia 13 di september ultimo, Parlamento di Aruba a celebra su apertura di Aña Parlamentario 2022 – 2023. Un ceremonia solemne caminda Gobernador di Aruba a hiba un discuro elocuente na e Presidente di Parlamento, Honorabel Miembronan di Parlamento, Ministernan, ex-Presidentenan di Parlamento, ex-Gobernadornan di Aruba, invitadonan di instituto y instancianan prominente den nos comunidad. Señor Gobernador den e parti final di su discurso a reitera cu union, solidaridad y respet ta clave pa un recuperacion genuino. Union pa un causa nacional. Respet pa e dignidad humano. Solidaridad pa esun cu mas mester di dje. Esakinan alabes ta forma e fundamento di e estado di derecho cu nos pais ta.  

Den e siman aki cuminsando di dialuna 12 di september 2022 tabatin votacion pa presidente y vice-presidente di Parlamento pa aña 2022- 2023. Como presidente di Parlamento a reeligi sr. Edgard Vrolijk y vice-presidente Sr. Raymond Kamperveen. Diamars 13 di september 2022 tabata aña parlamentario 2022 – 2023. Tur aña riba e di dos diamars di september e aña parlamentario nobo ta tuma luga. Esaki ta e di 37 Aña Parlamentario di Pais Aruba y e ta un momento hopi solemne pa e organo di mas importante di Pais Aruba.