SEÑOR ADY THIJSEN CU SU FUNCION COMO PRESIDENTE DI E COMISION EHECUTIVO DI OCTA
Señor Mr. Juan E. ‘Ady’ Thijsen, a wordo apunta como Presidente di e Comision Ehecutivo di OCTA. For di aña 2021, Aruba como un di e paisnan den OCTA tin … Read More
AHATA ta pidi pa compromiso na regulacion y control riba tera y den lama
ORANJESTAD, 24 Maart 2022 – Ta cu gran tristeza e comunidad di Aruba a nota e accidente fatal ayera den lama dilanti Palm Beach. Aruba Hotel and Tourism Association ta expresa profundo condolencia na e famia cu a yega nos isla pa goza hunto y a perde nan yiu muher tragicamente. Nos ta gradici y aprecia e first responders cu a hasi tur esfuerzo posibel pa yuda scapa bida di e hobencita.
DANKI NA TUR ARTISTA CU A TRAVES DI NAN ARTE TA BRINDA INSPIRACION DEN LUCHA Y RETONAN CU TA PASA ADEN
ORANJESTAD – Pa celebracion di “Dia Internacional di Poesia” proclama pa Unesco, Biblioteca Nacional conhuntamente cu Departamento di Cultura a organisa un evento pa celebra e dia aki. Prome Minister Evelyn Wever – Croes cu a asisti e evento a expresa cu a mira y scucha hopi arte inspirativo y a enfatisa cu “Creatividad no ta un opcion, e ta hopi esencial”.
PROGRAMA ‘KIBRA COCO’ EDICION HIMNO y BANDERA A RESULTA EXITOSO UN BIAHA MAS.
ORANJESTAD- Diasabra ultimo a tuma luga e programa Kibra Coco, Edicion Himno y Bandera y esaki a resulta un biaha mas exitoso. Nos muchanan di scol basico hunto cu famia a participa den e programa di competencia virtual na television. Jean Carlo Espinal tabata conduci e programa y haci e preguntanan di e tres tandanan, e preguntanan tabata concentra riba e tres simbolonan nacional cual ta Nos Himno, Nos Bandera y Nos Escudo. Na comienso di cada tanda a presenta un video clip cu informacion riba nos himno, nos bandera y nos escudo.
PREPARANDO PA E REUNION PUBLICO DI PRESUPUESTO 2022
Aruba ta para dilanti retonan financiero fuerte!
Den ultimo simannan aki tin basta movecion cu locual ta trata nos presupuesto 2022. Sin duda e ley di presupuesto aki mester a pasa caba, y mester bisa cu e ta basta laat. Sinembargo, mester enfatisa cu e retonan di pais Aruba ta grandi y nan ta hopi real, cualnan a haci’e dificil pa e por a wordo termina na tempo. Como parlamentario mi ta urgi gobierno si, pa locual ta trata aña 2023, pa nos por cuminsa wak un presupuesto cu ta cla na tempo segun ley ta stipula. Gobierno por lo tanto tin e oportunidad e aña aki pa entrega e presupuesto 2023 na tempo. Esaki lo exibi un standard nobo y necesario den e maneho di nos pais. E ta un oportunidad pa demostra liderazgo y compromiso cu nos pais, door di demostra cu gobierno di Aruba si por cumpli cabalmente cu tur desafio cu e ta haye confronta cu ne.
Keda Keto commercial shoot
Keda Keto Ice Cream ta un brand local cu ta conoci
Minister Xiomara Maduro a bishita e obra creativo di diferente seccion dentro
Departamento di Aduana en conexion cu Dia di Himno y Bandera 2022
Riba invitacion di e departamento, siman pasa diahuebs Minister di Cultura a bishita Departamento di Aduana pa aprecia e obra creativo di diferente seccion dentro di Aduana den cuadro di e celebracion di Dia di Himno y Bandera.
ABUSO DI PODER CONTRA SRA. KHEMLANI TA UN PERSECUSION POLITICO!
Ayera un biaha mas nos Estado di Derecho a wordo sacudi cu e “toegangsontzegging” di un empleado publico di Parlamento. Un persona cu dia 5 di september 2021 a cumpli 30 aña di servicio trahando na Parlamento. Un persona cu SEMPER tabata cla pa yuda TUR miembro di Parlamento y politiconan ora tabata tin mester di documentonan. Sra. Khemlani tabata e persona indica pa logra haya e documentonan ya cu su persona tabata encarga di registracion di tur documento pa archivo di Parlamento. Documentonan cu pa colmo TUR ta publico. Mi experencia cu e persona aki semper tabata uno profesional. Den su forma pa atende cu sea miembronan di Parlamento y politiconan tabata resalta su “INTEGRIDAD” y su “AMOR PATRIO”, ingredientenan cu e gobierno actual ta carece totalmente di dje y ta sanciona esnan cu si ta cumpli cu nan debernan civico debidamente.
Ta gradici tur boluntario cu a haci esaki un realidad
HOH cu bunita gesto di donacion di cama na otro fundacion
Durante e proyecto di construccion y renobacion di Hospital a cumpra muebleria y ekipo nobo den cuadro di HOH su vision di continuamente eleva calidad di cuido y servicio na nos pashentnan. Hospital asina a keda cu cama y cashi den bon estado pero cu no tin mas uzo pa nan. A pensa cu miho forma pa haci un bunita gesto den forma di donacion na un otro fundacion cu por haci bon uzo di nan. A haci donacion di un total di 35 cama y tambe cashi na diferente fundacion den nos comunidad.
RAIZ NO TA INTEGRO!
Dia 2 di november 2021 mi a manda x18 pregunta pa MinTINO, sr. Ursell Arends y MinAIE, sr. Glenbert Croes, tocante e nombracion di e Director nobo di Utilities, N.V. Mi a pidi Minister comparti cu Parlamento evidencia cu e anuncio pa un Director nobo a sali den tres diferente corant na Aruba y e condicionnan mara na e funcion aki. Mi a pidi informacion ariba cuanto candidato a solicita, ki tipo di evaluacion nan a pasa etc. Tambe mi a pidi clarificacion ariba cierto iregularidadnan cu a sosode den e proceso y te awe mi no a haya NINGUN contesta di nos Minister di Integridad ni tampoco nos Minister di Energia.