Nos t'ey pa Informa bo
ORANJESTAD: Diamars anochi den Aula di Universidad di Aruba Minister Endy Croes hunto cu Prome Minister di Aruba Evelyn Wever- Croes a presencia e momento historico y special unda cu pa prome bes un rector ta wordo oficialmente instala como profesor “chair of Translingual practices in educational and professional context” na e academia.
Oranjestad; Minister Endy Croes tabata presente na Universidad di Aruba pa apertura di e conferencia di “Studiesucces Caribische Studenten”. E conferencia ta organisa pa Universidad di Aruba. Tur aña 1600 studiante for di e parti Caribense di Reino Hulandes ta continua cu nan estudio na Hulanda. E studiantenan ta topa cu asina hopi problema durante nan estudio, cu hopi no ta alcansa finalisa nan estudio. Pa desaroya un acercamento concreto pa e problemanan aki, Aruba, Boneiro, Curaçao, Saba, Sint Maarten, Sint Eustatius y Hulanda a bini hunto di 26 pa 28 di september. Ta sondea posibildad pa haya e miho manera pa desaroya programanan di sosten cu medida concreto y structural, pa mas studiante Caribense por termina nan estudio cu exito. Durante e ceremonia di apertura Minister di Enseñansa y Deporte Endy Croes a hiba palabra:
E siman aki un delegacion di Aruba ta presente na Hulanda pa reunionnan di IPKO. Esakinan ta reunionnan interparlamentario entre Hulanda, Corsow, St. Maarten y Aruba pa trata diferente puntonan cu a keda pendiente entre e diferente Parlamentonan of sugerencia di punto(nan) nobo sugeri pa un di e Parlamentonan di un di e paisnan den Reino Hulandes.
Tur aña riba 27 di september ta celebra dia mundial di Turismo. Na Aruba nos tambe ta pone atencion na e dia special aki. E aña aki, mainta trempan Gobierno di Aruba a haci un acto floral na Plaza Juancho Irausquin, pa asina conmemora Juancho Irausquin y Ike Cohen como e lidernan pionero di Aruba su turismo.
Oranjestad – 29 di september 2022 – Ariba Dialuna y Diamars 26 y 27 di september publico tabata tin e oportunidad pa conose Monster Truck, Dysfunctional y Transformers, Bumble Bee y Optimus Prime na sucursal di Aruba Bank na Hato y Camacuri, respectivamente.
Cliente y bishitantenan tawata tin e oportunidad pa saca potret den e Photo Booth cu e truck monstruoso y tambe cu transformers Bumble Bee y Optimus Prime. Esnan presente a disfruta di un dia ameno cu tabata dedica specialmente na nan.
Diamars, 27 di september 2022, reunionnan di IPKO a inicia na Den Haag Hulanda. E dia a cuminsa mainta trempan y tabata un dia largo. Hunto cu Presidente di Parlamento Edgard Vrolijk, representando delegacion di Aruba nos a atende un reunion cu Presidente di Eerste Kamer Prof.dr. J.A. Bruijn.
Turismo ta pilar economico di Aruba, pesey riba “Dia Mundial di Turismo” e ta importante pa para keto y reflexiona riba diferente aspecto cu a tuma luga den transcurso di e añanan. Algo cu no por keda sin menciona ta e impacto enorme cu e crisis di Covid-19 tabatin riba nos turismo, cual Aruba ta recuperando di dje. Gobierno di Aruba ta haci uzo di e ocasion pa gradici cada persona cu a traves di nan curashi, animo y trabou duro, ta haci cu Aruba su turismo ta recuperando y creciendo.
Ta mi custumber pa informa pueblo tur siman riba e prijs di e bari di petroleo riba medionan social. Mi ta haci esaki pa informa y tambe pa pueblo por sa kico por ser spera ora ta anuncia e bahada of subida di esaki. Siman pasa e bari di petroleo tabata na $86.17, sinembargo riba Dialuna 26 di September esaki a baha pa $77.62! Esaki ta un bahada drastico di $8.55 pa bari! Esaki sigur ta un bon noticia y lo sigura cu otro luna lo sigui baha e prijs di gasolin, diesel y kerosin. Esaki lo traduci den bahada di inflacion, menos gasto pa pueblo y comerciantenan y mas placa den cartera di pueblo. Adicionalmente e reduccion de e prijs di petroleo por significa cu gastonan di produccion di productonan, transporte di carga y flete internacional lo por baha.
Recientemente riba invitacion di e Embahador di Reino Hulandes na Colombia, sr. Ernst Noorman, Minister Xiomara Maduro tabata presente na e evento ‘Experience the Netherlands 2 na Colombia. Durante e evento aki companianan Hulandes a presenta nan producto y servicio na e comunidad mercantil di Colombia. Tabata interesante pa mira e toke di inovacion cu tur compania a trece dilanti. Minister Maduro a haci uso di e oportunidad pa combersa un rato cu varios compania di Colombia cu ya caba ta haci negoshi na Aruba. E mandatario a gradici nan pa e confiansa y a extende e invitacion pa mas compania explora e oportunidadnan cu ‘Aruba, La Isla Feliz del Reino Holandes’ ta ofrece pa haci negoshi.
E encuesta ta toca temanan manera por ehempel actividadnan di mucha y hoben den nan tempo liber (deporte, arte, trabou boluntario), participacion na scol, participacion riba mercado laboral, bista riba nan futuro, relacion cu mayornan, uso di celular, medionan social y gaming y posibel problema relata na esakinan, humamento/vaping, uso di alcohol y droga y salud mental. E temanan aki ta sumamente importante pa CBS por suministra informacion relevante, valioso y di calidad halto.
