Gobierno

Minister di Cultura ta elabora riba trabaonan di e prome aña di gobernacion:
A dedica na e celebracionnan cultural importante di nos Pais, a reconoce nos baluartenan cultural y a traha pa conserva y expone nos herencia cultural
Cultura tin un papel clave den e desaroyo duradero di un Pais

Pa locual ta e prome aña di Gabinete Wever-Croes II, Minister Xiomara Maduro ta splica den lineanan grandi e trabaonan realiza bao di e maneho di ‘Cultura bo tin cu bib’e.’ Cultura tin un papel clave den e formacion di e hende, e desaroyo duradero di nos Pais y ta instrumental pa Aruba su economia, bida social, medio ambiente y bienestar general. Pa e diversificacion di Aruba su economia, cultura tin un rol escencial den e sector prometedor di e Industria Creativo. Den e prome aña di gobernacion, Gobierno a dedica na e celebracionnan cultural importante di nos pais, caminda a reconoce nos baluartenan cultural y a traha pa expone nos herencia cultural.

Gobierno

Minister di Finansa ta elabora riba trabaonan di e prome aña di gobernacion: Gobierno a sa di cumpli cu tur su debernan financiero y a traha pa mantene e credibilidad financiero di nos Pais

Den lineanan grandi Minister Xiomara Maduro ta splica riba e trabaonan cu a wordo realiza den e prome aña di gobernacion Gabinete Wever-Croes II. COVID19 a afecta nos finansa publico grandemente y den e prome aña di gobernacion nos a dedica pa reduci e deficit cu e pandemia aki a trece cune pa Aruba. E deficit di 1028 miyon florin ta wordo reduci grandemente den apenas 3 aña di tempo. Tur esfuerso ta dirigi pa Aruba por conoce atrobe un surplus.

Noticia

Actividad di Prinsjesdag VNO 2022

Riba diamars 20 di september Reprecentacion di Hulanda na Aruba (VNO) hunto cu alumnonan di historia y institucion di estado (geschiedenis en staatsinrichting), for di VWO clase 6 di Colegio Arubano y Schakelcollege, a organisa e actividad di Prinsjesdag anual.

carnaval

STICHTING MUSICA TA TRECE ARUBA CAISO & SOCA MONARCH DEN BARIO!

Den luna di november respectivamente 12, 19 y 26 lo tuma luga e prefinalnan cu lo keda presenta den Centro di Bario Dakota, Centro di Bario Playa Pabao y Centro di Bario Brasil. Esaki ta encera cu nos musiconan ya caba ta preparando pa competi den e barionan den proximo luna di November, dunando amplio espacio pa cada produccion resona y biba den pueblo.

Deporte Gobierno

MINISTER ENDY CROES A REUNI CU DIRECTIVA DI SV ATLETICO SANTA FE.

ORANJESTAD: Dialuna atardi den un encuentro ameno Minister Endy Croes a reuni cu miembronan di directiva di SV Atletico Santa Fe. Presente na e reunion tabata presidente di SV Atletico Santa Fe, sra. Michella Steenvoorde- Laclé, vice – presidente, sr. Theodore Johnson y directora di sponsorship, sra. Desiree Johnson. SV Atletico Santa Fe ta activo desde aña 1962 y ta conta cu alreadedor di 100 miembro.

Politica

Parlamentario Shailiny Tromp-Lee (MEP): Diferente caminda den Noord lo bay haya e renobacion necesario

Durante e reunion publico mi a indica cu mi ta super contento cu trabounan di mantencion a tuma lugar riba algun careteranan principal den Noord. Un necesidad cu mi tin hopi aña ta bin ta indica. Un caminda cu a cuminsa cu ne ta esun di rotonde MFA Noord direccion Westpunt, un caminda principal y hopi importante, cu sigur tabata rekeri di un mantencion. E fase te cu Café 080 a keda finalisa y sigur a trece e alivio necesario. Gobierno a informa cu pa 2024 lo sigui cu e caminda principal aki cu ta bay te cu Westpunt. Fondonan ta limita pero contrario na 2020, 2021 y 2022 pa 2023 en adelante si Gobierno lo pone fondo pa mantencion di caminda.

Gobierno

Minister Maduro ta gradici ATA Latino America pa nan presencia hunto cu corant El Tiempo di Colombia na e presentacion di e artista Arubiano Gilbert Senchi

Na ocasion di bishita di Minister Maduro di Cultura na e atalier di e artista Arubiano Gilbert Senchi na Bogota, sra. Miriam Dabian directora di ATA pa Latino America tabata presente y a percura pa prensa na Colombia tambe wordo poni na altura di e trabou nan cu ta wordo haci pa integra mas arte publico na ‘La isla Feliz de Aruba.’

Politica

Hendrik Tevreden:
E influencia poderoso di un Tata den bida di su yiu

Tatanan realmente ta importante, mescos cu mamanan ta, den desaroyo di nan yiu?
Nos a crece cu e idea cu mamanan ta indispensabel, y e ausencia di tatanan casi a manera bira algo cu ta normal, principalmente den e region cu nos ta biba aden. Esaki debi cu cada biaha mas famianan ta enfrentando e lucha di tatanan ausente. Ariba e topico aki, mi a busca investigacionnan haci den region (Iberoamericano) y hopi ta subraya cu babynan di un siman o mas tin e capacidad pa distingui e tata y mama.

Politica

No a pone 5% den presupuesto y awor a kita overtime
Parlamentario Arthur Dowers

Cu gran fanfaria algun luna atras, Prome Minister y su gobierno a informa trahadonan publico cu nan lo ricibi 5% di e total di 12.6% cu gobierno a kita for di nan bou di un serie di mentira den pasado.
Parlamentario Arthur Dowers di AVP a mustra cu simplemente Evelyn Wever Croes no por biba sin gaña hende di loke e ta haci y principalmente di loke e ta keda sin haci di loke a wordo priminti na pueblo.
“No por tabata otro, ya cu Aruba tin un lider di gobierno cu no por ta sincero cu su pueblo ya c’un biaha mas a uza triki pa gaña trahadonan publico ora cu loke ta recuperacion di 5% di nan salario cu a wordo kita for di e trahadonan aki.