Politica

Lider di AVP, mr. Mike Eman: HENTER ARUBA ASOTA CU CUENTANAN ASTRONOMICO DI AWA Y CORIENTE

“Segun e reaccionnan cu ta drenta serca nos e ta evidente cu no ta cuestion di algun cas pero ta henter Aruba a worde asota cu e cuentanan astronomico di awa y coriente. Hopi caso cu nos a constata den hogarnan di nos pueblo ta comparti cu nos nan cuentanan cu a subi dobel di locual e tabata ta luna pasa. Algo cu ningun famia ta prepara pe”, e lider di fraccion di AVP, mr. Mike Eman ta expresa cu un preocupacion grandi.

Politica

Secretario General di MEP ENDY CROES:Leoncita di Canal 90 lo ta den corte y ata prueba di otro SOBORNO di 100 mil florin

Secretario General di MEP ta amplia riba caso Avestruz. E caso di mas grandi di corupcion den historia di politica na Aruba. X Ministernan di AVP tanto Paul Croes kende ya caba tin un sentencia di prison di 4 aña den caso IBIS  como Benny Sevinger kende tin un condena cologa riba su cabez ta e actor principal y e sospechoso primordial den caso di Avestruz.

Husticia Noticia

Cuerpo Policial orguyoso di mas cu 430 aña di trayectoria policial

Altocomisario Arnhem a haci entrega di un plaket y reconocimento na agente Policial Sr. Eddy Ras cu a cumpli 40 aña den servicio na Cuerpo Policial Aruba. Un trayectoria largo for di su inicio y t’e cu awe cu e ta formando parti di nos organisacion. Un persona ehemplar y dedica pero cu hopi experencia. Ela mira con e cuerpo tabata na momento di Korps Politie Nederlandse Antillen pa despues bira Korps Politie Aruba. Ela cana hunto cu e organisacion for di inicio t’e cu awe. E ta un Baluarte cu hopi di e coleganan grandi y chiquito ta aprecia.

Reino Salud

Aruba tawata punto di encuentro pa cu curso di Ship Sanitation Certification duna door di RIVM Hulanda pa islanan CAS y BES

ARUBA- 9 oktober 2022. Durante e siman di 03 pa 07 di oktober tawata presente na Aruba un delegacion di RIVM Hulanda pa a brinda e curso di ‘Ship Sanitation Certification’ na e islanan di reino. E curso aki ta nesesario pa como pais bo tin autoridad cu tin conocimento di tur e exigencianan stipula conforme “International Health Regugulations (IHR)”, na momento cu mester otorga un “Ship Sanitation Certificate” na un barco.

Finansas Gobierno

Minister di Finansa ta informa: Aruba ta bira ‘Co-Chair’ di e organisacion regional pa combati labamento di placa y financiamento di terorismo CFATF

Den e reunion riba nivel ministerial di Caribbean Financial Action Task Force (CFATF), e organisacion regional pa combati labamento di placa y financiamento di terorismo, a keda dicidi cu Aruba ta bira e ‘Co-Chair’ di CFATF. Hunto cu e ‘incoming chair’ Cayman Islands, Aruba lo ta encarga cu e liderazgo di CFATF pa e periodo 2022-2023.

Politica

Partido MEP:FORSA FEMENINO GRACE TIN PRESIDENTE NOBO

Diabierna anochi, durante un reunion na Cede di MEP, sra. Yuyu Croes a traspasa e presidencia di Forsa Femenino Grace pa sra. Fabiola Maduro. Forsa Femenino Grace ta e forsa femenino di partido MEP. E organisacion ta un sosten enorme pa partido y especialmente pa candidatonan femenino y lo enfoca riba aumenta conscientisacion riba asuntonan di hende muhe y con por empodera hende muhenan mas.

International Travel

Demostrando e relacion estrecho entre KLM y Aruba Airport: KLM a dedica cas miniatura #103 na “Cas Ecury”

Den un relacion di casi  50 aña sigui entre Aruba Airport y KLM, esaki ta prome biaha cu ta scoge un cas antiguo di Aruba, como modelo pa e casnan miniatura di KLM. Ta motibo grandi pa celebra pasobra anualmente ta regala 850.000 cas n’e pasaheronan cu ta bula Business Class den vuelonan intercontinental di KLM. Aeropuerto di Aruba ta contento cu, di e forma aki, ta honra e relacion cu Aruba y ta duna inicio na celebracion di 100 aña di aviacion na Aruba, cu ta core casi paralelo cu e celebracion di 103 aña di existencia di KLM.

Education

Pakete ambicioso di medida pa aumenta exito di estudio di studiante Caribense

Durante e conferencia di trabou ‘Exito di estudio di studiante Caribense’, cu a tuma lugar siman pasa na Universidad di Aruba, a pensa un pakete ambicioso di medida concreto y structural pa aumenta exito di estudio di e studiante Caribense. Ta presenta e resultadonan di e conferencia bou di e nomber nobo ‘Aliansa Strategico pa Educacion (SEA)’ na e siguiente ministeriele Vierlandenoverleg Onderwijs, Culuur en Wetenschap (Consulta Ministerial di cuater pais Educacion, Cultra y Sciencia).