Gobierno

Premier Evelyn Wever – Croes: TA DESEA HENTER PARLAMENTO DI ARUBA UN AÑA PARLAMENTARIO EXITOSO

ORANJESTAD – Diamars 13 di September, a tuma luga e apertura di Aña Parlamentario 2022-2023. Esaki ta e di 37 Aña Parlamentario di Pais Aruba y e ta un momento hopi solemne pa e organo di mas importante di Pais Aruba. Gobernador di Aruba,  S.E. Alfonso Boekhoudt a duna un discurso elocuente den cual el a repasa e retonan cu Aruba ta pasando aden y su vision y bista pa futuro di kico tur ta spera nos.

Gobierno

MINISTER ODUBER HUNTO CU SU MAHESTAD REINA MAXIMA Y MINISTER KUIPERS A HAYA UN TOUR NA “MD ANDERSON CANCER INSTITUTE”

HOUSTON – Diabierna minister Oduber tabata na Houston, caminda e la haña un tour di e Texas Medical Center (TMC) Innovation y alavez e la bishita MD Anderson Cancer Center cu su Mahestad Reina Maxima y tambe minister Kuipers. E dos centro medico nan aki ta renombra como un di e mihonan rond di e pais. Durante e bishita aki nan a haña diferente presentacion di experto nan den e ramo di salud y tambe oportunidad pa puntra pregunta. E bishita aki tabata uno fructifero caminda cu cooperacionan internacional a wordo estableci y diferente informacion a wordo adkiri pa asina por trese esaki bek y incorpora na pais Aruba.

Gobierno

MINISTER DI CULTURA PRESENTE NA PARADA CULTURAL DI BRAZIL

ORANJESTAD – Recientemente Minister Xiomara Maduro tabata presente na Parada Cultural di Brazil. Aruba por a disfruta di un bunita Parada Cultural relaciona cu Celebracion Dia di Brazil. Masha pabien na Fundacion Chico Harms y tur grupo di baile y folclor, banda/musico, reinanan cultural y tur participante. Danki tambe na Grupo di Seu di Corsou cu tabata a uni na e Parada Cultural. Un bunita parada y bon organisa, yena cu color, bon musica y ambiente sin fin caminda un y tur por a biba nos cultura. Danki na un y tur pa haci e eventonan relaciona cu Celebracion Dia di Brazil 2022 un exito.

Politica

Booshi Wever di UPP: CUANTO ATROPEO DI NOS LEY DI COMPTABILIDAD MESTER WORDO HACI PA MINISTERIO PUBLICO ACTUA?

Ya ta 46 luna cu mi persona a hasci entrega di un denuncia amplio y cu prueba contra Otmar Oduber den e compra di e incinerator chikito. Un incinerator cu NO ta traha y no ta cumpli den ningun forma cu e bestek.  Ta conoci cu den henter e compra aki, Otmar Oduber a peca grandemente contra nos Ley di Comptabilidad. Y nos Parlamento,cu Parlamentarionan cu a bin y bay, desde 2018 a keda boca “callao” y mas pio ainda a y ta sostene y aproba e corupcion aki!

Gobierno Noticia

Premier Evelyn Wever – Croes: ROTONDE PALM BEACH DEN FINALISACION PERO HABRI PA COMUNIDAD

ORANJESTAD – Fin di siman comunidad cu ta haci uzo di e area di Palm Beach por a experiencia mehoracion den e situacion di trafico. E rotonde di Palm Beach a wordo habri pa trafico por haci uzo di dje. E trabounan lo finalisa fin di luna,l pero ja caba e rotonde ta habri pa trafico di ambos direccion haci uzo di dje. Cu e rotonde completa, ta logra trece mas alivio den trafico den e area y specialmente trece seguridad den trafico.