Partido MEP: DEN 3 LUNA PARLAMENTARIO MIKE DE MEZA NO A PRESENTA NA NINGUN REUNION

NO WORK, NO PAY?

Despues di ultimo eleccion Mike de Meza a huramenta como parlamentario di AVP dia 8 di januari 2025. Sinembargo, desde cu e gobierno nobo di AVP y FUTURO a huramenta, y Mike de Meza mester a keda afo, e no a presenta na ningun reunion di Parlamento mas.

Tabata tin diferente reunionnan di e Comicionnan Fiho den Parlamento, na Aruba y na Panama cu Parlatino. Tambe tabata tin algun reunion publico. Pero Mike de Meza no a presenta na ningun.

Mientras tanto e ta sigui cobra su salario tur luna, sin cu e ta traha p’e. Esaki riba su mes ta pone nos corda riba trahado spirito, den e caso aki, parlamentario spirito.

Riba dje Mike de Meza ta un sospechoso y fraccion di MEP ta di opinion cu e mester tuma su retiro pa e motibo cu e ta sospechoso, mescos cu Benny Sievinger e tempo ey.

AVP ta keda e partido di academia di corupcion. Awo cu e sospechoso Benny Sievinger no ta den Parlamento mas, ta e sospechoso Mike de Meza. Fraccion di MEP a pidi atencion caba di Presidente di Parlamento pa e situacion di e sospechoso den Parlamento, pasobra si Otmar Oduber no por biaha pa representa Parlamento, e ora Mike de Meza tambe mester wordo prohibi pa biaha. Presidente di Parlamento no a contesta e carta ainda