Nos t'ey pa Informa bo
Diamars siman pasa CAft a dirigi un carta na Minister di Finansa Cultura, relaciona cu su reaccion riba e di dos “uitvoeringsrapportage 2022,” cual contenido ta mustra e seriedad di e situacion cu pais Aruba ta confrontando na e momentonan aki pa loke ta su recuperacion financiero.
Fundacion Telefon pa Hubentud Aruba a bishita Semelerstraat, Bushiri, Seroe Patrishi, Tarabana, Sabana Basora Noord, Cura Cabai Zuid, Village y De Vuyst. Durante e bishita Fundacion Telefon pa Hubentud Aruba ta duna mayornan informacion tocante e servicionan di Fundacion Telefon pa Hubentud Aruba. Durante e bishitanan Fundacion Telefon pa Hubentud Aruba a logra di duna informacion tocante nan trabao na 5180 persona.
ORANJESTAD- 16 di September 2022: Aruba Bank a yuda Prinses Amalia Bassisschool implementa proyecto “Foodforest”, cu tin como meta conscientisa nan studiantenan di e importancia pa planta y come di nan mesun plantacion.
Diaranson mainta, un dia despues di apertura di aña parlamentario nobo, mi a pasa cerca Presidente di Parlamento pa por haya copia di e manifiesto entrega pa un grupo di 7 señora cu a bin pa protesta na Parlamento. E grupo aki tabata lidera pa sra. Hijmering cu ta conoci como un sostenedor di AVP.
Augustus 2022 a conoce otro luna record den turismo compara cu 2019. Ta compara resultadonan di 2022 cu 2019, pasobra esaki anteriormente tabata e aña record pa nos turismo. Compara cu 2019 nos a recupera 105% di nos turismo, cu ta un logro enorme, considerando cu esaki ta pasando pa 5 luna consecutivo caba! Esaki ta significa cu nos pais y nos empresanan local ta cosechando mas y nos economia por recupera mas liher pasobra tin mas entrada cu ta drenta e caha di gobierno. Esaki sigur lo sigui yuda baha e deficit y por habri porta pa inversionnan den futuro, den nos pais.
Riba 12 september 2022 Gobierno di Aruba a anuncia un cambio di maneho, cual ta encera cu no ta obligatorio mas na Aruba pa haci test di Covid-19. Tambe no ta obliga mas pa esnan infecta cu Covid-19 pa bay den cuarentena of isolacion
ORANJESTAD – Colegio Laura Wernet-Paskel ta celebrando 60 aña di existencia di e scol. Scol Laura Wernet-Paskel ta un scol cu durante 60 aña a yuda educa hopi di nos muchanan specialmente di e bario Cadushi Largo na Santa Cruz y na un forma hopi ehemplar a forma ciudadanonan di e bario. Tambe a celebra 2 hubilario esta Juffrouw Winifred Kaarsbaan ‘Frida’ cu a cumpli 25 aña di servicio y Juffrouw Milène Croes-Feliciana cu a celebra 30 aña di servicio. Na mesun ocasion di aniversario di e scol, ta para keto na e 60 aña di fayecimento di señora Laura Wernet-Paskel. Na e celebracion a asisti tambe Minister di Enseñansa Endy Croes y Juffrouw Baily.
MACUARIMA, ARUBA: Diaranson mainta Stichting Reclassering en Juegd Bescherming a haya bishita di altocomisario di Cuerpo Policial Aruba Sr. Ramon Arnhem. E bishita aki tabata pa cera conoci cu e fundacion aki pero tambe con por traha hunto cu otro.
Diamars mainta a tuma luga apertura oficial di aña Parlamentario 2022-2023. Pami sigur un honor di por a cumpli un aña como un representante di pueblo den Parlamento. Pami e aña aki tabata un aña di siña e trabou di un Parlamentario, proceduranan, conoce mi coleganan na ambos banda di sala, e mandatario y nan ministerionan.
ORANJESTAD: Diadomingo ultimo Colegio Laura Wernet Paskel a celebra 60 aña di existencia alabes a recorda fayecimento di e gran persona sra. Laura Wernet – Paskel. Na bida sra. Wernet – Paskel tabata mama, docente, e prome politico femenino y autor cu a laga su marca y historia graba den enseñansa y comunidad di Aruba. E prome hende muhe cu a sigui su educacion na Hulanda. Presente na e ocasion special aki tabata Minister Endy Croes conhuntamente cu Prome Minister Evelyn Wever – Croes, directora di SKOA, sra. Anuesca Baly y demas invitadonan special.
