Noticia

 Fundacion Telefon pa Hubentud Aruba buscando su logo nobo

Desde 1999 Fundacion Telefon pa Hubentud Aruba pa medio di su servicio ta duna informacion, opcion y sosten emocional na mucha y hoben di Aruba. Pa haci esaki Fundacion Telefon pa Hubentud Aruba ta haci uzo di diferente instrumento manera: telefon, email, chat, website, charla, workshop y proyecto. Desde maart y juni di e aña aki Fundacion Telefon pa Hubentud Aruba ta dunando informacion, opcion y sosten emocional pa medio di telefon na e muchanan y hobenan di St. Eustatius y Saba tambe.

Noticia

Fundacion Telefon pa Hubentud Aruba organisando ‘Focus group, Tools’ bao di hobenan

Den cuadro di Codigo di Proteccion, Fundacion Telefon pa Hubentud Aruba a ser aserca door di Unicef Nederland pa organisa diferente focusgroup cu hobenan.  Unicef Nederland conhuntamente cu Augeo Foundation, Ministerio di Husticia y Asuntonan Social y un grupo di profesionalnan na Aruba ta creando un ‘Toolkit Digital’ unda tur profesional den e sector social, di educacion, husticia y salud por educa nan mes ariba diferente tema tocante maltrato di mucha.  

Gobierno

Ministerio di Husticia y Asuntonan Social: SUPERIVISION Y EHECUCION RIBA UN MANEHO DEN CENTRO DI CUIDO DI MUCHA TA SUMAMENTE NECESARIO Y IMPORTANTE

ORANJESTAD – Den cuadro di e anochi informativo cu a tuma luga pa cu Ley Kinderopvang, sra. Sue-Ann Ras a indica cu un di e retonan di mas grandi den henter e trayecto di implementacion di Ley Kinderopvang, ta e aspecto di supervision y ehecucion (toezicht en handhaving). Un manual di regulacion sin supervision y ehecucion lo no ta efectivo, mirando cu mester tin un control coordina y centralisa, pa asina por garantisa un miho aun calidad di e centronan. Durante e anochi aki a elabora tambe, riba con e supervision y ehecucion den e Centronan di Cuido di Mucha lo ta y si tur cos sigui manera ta plania, ta cuminsa e aña aki caba.

Politica

“Un vision diferente pa por asfalta camindanan na Aruba ta posibel” segun parlamentario Tevreden di fraccion MEP.

“E cayanan di Aruba ta deteriorando y no ta den mihor estado”, asina parlamentario Tevreden a duna di conoce durante tratamento di presupuesto di DOW. Aña 2022 no ta tin presupuesto pa asfalta mucho caretera debi na nos situacion financiero cu ya ta conoci. Pero ta tempo pa nos introduci un mihor manera pa mantene, asfalta y construi mas caretera. Tevreden a splica su vision cu den su pensamento ta sostenibel, pagabel, y realisabel pa por asfalta, y mantene caretera na Aruba den bon estado.

Gobierno Salud

Minister Dangui Oduber: LOGRONAN DI SALUD PUBLICO DEN E PROME AÑA DI GOBERNACION

ORANJESTAD – Ya caba ta marca e prome aña den gobernacion di Gabinete Wever-Croes II. Den cuadro di esaki Minister di Turismo y Salud Publico sr. Dangui Oduber ta elabora riba e logronan mas importante pa pais Aruba pa locual ta ministerio di Salud Publico. Minister Oduber a menciona cu su maneho ta basa riba mehoracion di e servicionan, mehoracion di e calidad di cuido y enfoca riba e parti di prevencion, invertiendo den esaki. Den e maneho aki lo percura pa ehecuta e Plan Nacional di Prevencion cu ta un plan cu a wordo crea hunto cu tur stakeholders den cuido na Aruba.

Gobierno Turismo

Minister Dangui Oduber: LOGRONAN DI TURISMO DEN E PROME AÑA DI GOBERNACION TA IMPRESIONANTE!

ORANJESTAD – Despues di e aña Parlamentario ya ta marca e prome aña den gobernacion di Gabinete Wever-Croes II. Den cuadro di esaki Minister di Turismo y Salud Publico sr. Dangui Oduber ta elabora riba e logronan mas importante pa pais Aruba pa locual ta trata ministerio di Turismo. E prome aña di gobernacion pa locual ta e nos turismo sigur tabata uno hopi exitoso y nos por ta hopi orguyoso di e prestacion di nos turismo, asina e mandatario a expresa.

Noticia

Invitacion pa WEBINAR UNICO: DNA Antiguo y historia genetico di Caribe cu dr. Katrin Nägele di Alemania

Gustosamente MANA (Museo Arqueologico Nacional Aruba) ta extende un invitacion special na tur interesado di arkeologia y historia di Aruba pa participa na e webinar menciona, cu lo tuma lugar dia 29 di september cuminsando pa 2 or di merdia.  E lectura digital ta tocante DNA antiguo, cu ta material di “cromosoma” saca di restonan arkeologico. E tecnica pa saca DNA antiguo a revoluciona e ramo di arkeologia y a resulta den perspectivanan nobo riba historia di humanidad y riba historia di nos famianan.

This will close in 0 seconds