Ningun caso di vuurwerk na departamento di emergencia
Analisis weekend aรฑa nobo departamento di emergencia
Anualmente Dr. Horacio E. Oduber Hospital ta haci un analis di bishitantenan cu ta acudi na Departamento di Emergencia durante e weekendnan di fiesta. Aunke e aรฑa aki Aruba atrobe a celebra fin di aรฑa mey mey di un pandemia, e cantidad di pashent cu a acudi pa sea ricibi atencion medico na Departamento di Emergencia of dokter na warda ta 326 hende. Aรฑa pasa esaki tabata 262, na 2019 e tabata 357 y na 2018 un total di 332.
E informacion cu a resalta ta cu e aรฑa aki no tabatin ningun caso di vuurwerk cual ta un noticia remarcabel y hopi positivo cu nos ta spera lo sigui asina!
E analisis a cuminsa dia 31 di december pa 6am y a termina dia 3 di januari pa 6am. Di e 326 persona un total di 124 a ricibi atencion medico na Departamento di Emergencia cual 58% ta masculino. Un cifra casi igual cu aรฑa pasa. E edad di mas abou di e 326 persona ta un baby di 7 siman y e pashent di mas grandi tabatin 89 aรฑa di edad. E edad averahe cu a acudi tabata 43 aรฑa. Edad cu mas a acudi Departamento di Emergencia ta entre 19 cu 65 aรฑa.
Ta interesante tambe pa analisa e motibo di bishita durante e fin di siman di fin di aรฑa. Di e 124 pashentnan cu a ricibi atencion medico na Departamento di Emergencia 37 pashent tabatin herida di cual 2 tabata involucra den un accident di trafico. No tabatin casonan di vuurwerk y tampoco incidentenan di violencia. Otro tabata pa motibonan cu no tin di haber cu traumanan fisico manera por ehempel dolor di pecho, dolor di stoma y sacamento, intoxicacion di alcohol, infeccion of reaccion alergico etc.
Un total di 35 pashent a ser admiti den Hospital di cual 63% tabata masculino y 37% femenino. Alabes mester bisa tambe cu e pashent cu e edad mas abou tin 11 siman y e pashent di mas grandi 85 aรฑa. Edad averahe ta 55 aรฑa.
Hospital kier corda tur hende pa mantene na reglanan di DVG di distanciamento social, evita aglomeracion y haci bon uzo di mask y laba man frecuentemente. Y si bo ta sinti un di e sintoma nan yama bo dokter di cas.
Team completo di Hospital kier desea henter comunidad un prospero aรฑa 2022 yena cu amor, felicidad y salud!