Parlamentario Evelyn Wever-Croes: “E falta structural di contesta preguntanan diParlamento ta falta di respet y inaceptabel”

Oranjestad – Lider di Fraccion di MEP Evelyn Wever-Croes a manda awe un carta oficial na
Gobernador di Aruba pa expresa su preocupacion grandi riba e falta structural di contesta di
gobierno riba preguntanan di e Parlamento.
Cifranan mas reciente di relato oficial di Parlamento ta mustra cu di e 2.275 preguntanan cu
miembronan di Parlamento a haci, solamente 585 a wordo contesta. Esaki ta nifica cu 75%
(1.684 preguntanan) a keda sin wordo contesta. Segun Wever-Croes, esaki ta un falta grandi
di transparencia y un falta di respet cu gobierno mester mustra pa Parlamento y pa pueblo.
“No ta solamente cifra,” segun Wever-Croes. “Ta trata di tema crucial di importancia pa
comunidad, y cu Parlamento mester mas informacion pa por haci su trabou. E hecho cu
preguntanan asina importante ta keda sin contesta ta inaceptabel.” Wever-Croes tambe a pone
atencion riba e hecho cu peticionnan di fraccion di MEP pa convoca reunionnan tampoco no
a wordo atendi. E ta enfatisa cu esaki ta contra nos Constitucion y Reglamento di Ordo di
Parlamento di Aruba.
Cu su carta, Wever-Croes ta pidi Gobernador pa percura cu gobierno cumpli cu su obligacion
constitucional di informa Parlamento. “Solamente cu transparencia y respet pa Parlamento
nos por restaura e confiansa di pueblo den nos democracia y nos estado di derecho,” e a
conclui.