Aruba Bank ta celebra Dia di Prensa cu un brunch special
Oranjestad – 02 di september 2025 – Aruba Bank a invita miembro di e prensa local na un brunch special pa celebra “Press Day” y pa mustra nan gratitud pa nan trabou constante na informa e comunidad di Aruba.
Durante e evento a tuma e oportunidad pa dirigi na e miembronan di prensa presente. “Ta un privilegio pa forma parti di Aruba Bank y pa por experiencia personalmente e colaboracion fuerte cu ta existi entre e banco y e medio di comunicacion.
E prensa tin un rol esencial den educa y informa nos comunidad, y cu esey ta bin un gran responsabilidad pa asegura cu e noticia ta confiabel.
Nos ta balora e relacion aki hopi y ta mira dilanti pa hopi aña mas di dialogo habri y colaboracion”, Rob de Ridder, Managing Director & Chairman of the Management Board di Aruba Bank a menciona.
E invitadonan di prensa a disfruta di un momento agradabel, den un ambiente relahante, caminda Aruba Bank a duna nan atenshon special como aprecio pa nan trabou dedica na sirbi e comunidad cu informacion relevante y concreto.
Aruba Bank ta gradicido pa e apoyo constante di e medionan di comunicacion y ta spera pa sigui traha hunto pa sigui tene nos comunidad bon informa.
