FRACCION DI MEP NO TA SOSTENE UN PRESUPUESTO CU NO TA TENE CUENTA CUBIENESTAR DI E PUEBLO

Parlamentario Evelyn Wever-Croes

Reunion riba Presupuesto supletorio 2025

ORANJESTAD – Den e ultimo dianan tras di lomba, Parlamento a trata e presupuesto supletorio pa aña

2025. Riba su mes esaki no ta un ley complica, un presupuesto supletorio ta trece algun cambio cu
      gobierno ta premira riba e presupuesto cu ya el a haya aprobacion caba. Parlamentario Evelyn Wever-
      Croes a expresa cu loke a resalta si durante e reunion aki ta algun punto cu el lo desea di subraya.
      Punto 1
      E prome punto cu Wever-Croes kier a subraya ta e hecho cu e gobierno aki ta apenas 5 luna na mando y
      no a haya e oportunidad pa fiha un vision ni un maneho. Interesante ta cu gran mayoria di e ministernan
      riba gran mayoria di areanan a indica di ta sigui cu e maneho di Gabinete Wever-Croes I y II, cual ta
      hopi bon paso esaki ta continuidad y ta mustra cu Gabinete Wever-Croes a goberna bon.
      Lamentabelmente si ta e nivel di parlamentarionan di AVP y Futuro durante e reunion, mirando cu un pa
      un a lanta y ataca e gobierno anterior insinuando cu pa 7 aña largo nan no a haci nada bon pa Aruba.
      Despues cu nan a sinta critica e gobierno di Gabinete Wever-Croes, e ministernan a indica di ta sigui cu
      e maneho cu e gobierno anterior tabata hibando refutando asina e atakenan hopi infantil di partido AVP
      y Futuro.
      Punto 2
      Parlamentario Wever-Croes a expresa cu loke e por a mira si ta cu den e presupuesto gobierno no ta tene
      mucho cuenta cu e peso financiero di inflacion. E gobierno sa cu tin inflacion y cu prijs y costo di bida a
      aumenta na Aruba. Pero no tin niun interes pa bin cu un plan pa cu esaki. Por ehempel na momento cu
      Minister Geoffrey Wever bou gobierno di Gabinete Wever-Croes a tuma e decision di hisa e prijs di gas
      sin cu tin mester, ministerraad e tempo ey a opone. Su reaccion tabata cu e ta minister di economia y ley
      ta bisa cu e por haci’e. E tempo aki a bise pa bin cu un compensacion pa famianan cu no por carga e
      gasto aki di cual el a nenga y bisa cu e lo bin cune den gobernacion cu AVP. Mientrastanto ta 5 luna
      caba di cual 2 biaha el a bay Parlamento pa presupuesto y no a bin cu niun compensacion.
      Punto 3
      E gobierno aki tambe a corta 3 miyon den salario di e docentenan y maestronan. Pero di otro banda a
      presupuesta millones pa paga e coordinadornan cu ta traha c unan den cocolishi di cual nan salario pro
      medio ta 9000 florin. Esaki sigur no ta aceptabel.
      Punto 4

Parlamentario Wever-Croes tambe a indica cu fraccion di MEP a presenta 14 mocion di cual tur e
parlamentarionan di AVP y Futuro a vota contra sin duna splicacion. E mocionan ta hopi bon hinca den
otro y parlamentarionan di MEP lo elabora riba cada un den e siguiente dianan.
Di nan banda nan a bin cu un poco mas di 20 mocion cu mayoria fraccion di MEP a aproba. Esunnan cu
fraccion di MEP a bay contra ta paso nan ta contra ley, maneho y tratadonan internacional.
“Di nos banda nos a mustra e interes y madures politico paso nos ta traha cu curason pa pais Aruba. A
pesar cu nos ta den oposicion aworaki, nos lo sigui traha na bienestar di e pueblo. A pesar cu nan no a
sostene e mocionan, nos lo sigui traha paso ta bay yega un momento na unda cu nan lo mester sostene
nan. Aworaki tin placa, tin un surplus pues ta momento pa duna bek. Lamentabelmente e presupuesto cu
AVP/Futuro a presenta no ta tuma cuenta cu duna bek na esnan mas vulnerabel den comunidad”
Parlamentario Wever-Croes a expresa.