Gobierno

Minister Geoffrey Wever a reuni cu Camara di Comercio riba temanan clave pa economia

Oranjestad, 18 di april 2025 โ€“ Diahuebs mainta, Minister di Finansa, Economia y Sector Primario, Geoffrey Wever, a tene su prome reunion oficial cu Camara di Comercio (KVK) den su rol nobo como minister di Finansa, Asunto Economico y Sector Primario. E reunion ta parti di un serie di audiencia regular cu KVK ta organiza cu minister Wever cada seis siman, cu e meta pa mantene un dialogo continuo riba desaroyonan economico y necesidadnan den sector priva.

Durante e reunion a trata punto relevante pa comercio local y crecemento economico. Camara di Comercio ta un partner strategico y su input, consehonan y preocupacionnan ta wordo tuma den consideracion constantemente.

Advertisements

Puntonan halto riba e agenda di KvK tabata entre otro:

ยท       KvK su survey tocante ‘bottlenecks’ pa comercio;

ยท       Banking fees;

ยท       Implementacion di (mas) Inteligencia Artificial (IA) den comercio;

ยท       Incentivonan fiscal;

ยท       Status di procedimento di Rijkswet.

โ€œMi ta gradici Camara di Comercio pa e dialogo constructivo y nan disponibilidad. Pa sa kico ta come y bebe den sector priva, nos mester ta semper dispuesto pa scucha y dialoga directamente cu nanโ€, Minister Wever a declara.