Prome Minister Mike Eman a invita Secretario di Estado Zsolt Szabó pa un bishita cu un mensahe profundo na Museo Arqueologico Nacional Aruba
Durante un encuentro cu Conseho di Minister di Gabinete AVP-Futuro, Prome Minister Mike Eman a invita e Secretario di Estado Hulandes, Zsolt Szabó pa un bishita special na Museo Arqueologico Nacional Aruba (MANA). E bishita aki tabataparti di un dialogo profundo di autosuficiencia (zelfredzaamheid) y identidad nacional cual ta e base di e visiondi gobierno di Gabinete AVP-Futuro.
E bishita n’e museo tabata cu e fin pa mustra con profundo e concepto di autosuficiencia (zelfredzaamheid) ta ancra den e historia di Aruba, y particularmente den e legado di nos pueblo indigena. Durante e recorido, e secretario di estado a haya un presentacion detaya, ofreci pa arkeologo Raymundo Dijkhoff, tocante e periodo di e indjannan na Aruba, e sitionanarkeologico principal y e gran cantidad di artefactonan indjandescubri den diferente districto. E presentacion a destaca e manera cu nan a logra cosecha riba e tera seco, pisca riba lama bruto y forma e base di nos comunidad actual.
Secretario di Estado Szabó, cu su mes tin un yiu arkeologo y un interes particular den historia, a expresa su admiracion pa e rikesa cultural y resistencia di e pueblo Arubano. E secretario di Estado a indica cu ta importante pa conoce e historia di un pais, pa fortifica e identidad y pa inspira e generacionnan nobo den desaroyo di un Aruba fuerte y independiente den cooperacion cureino.
Prome cu e bishita na MANA. Secretario di Estado Szabó a cera conoci cu Conseho di Minister, den cual cada minister a presentae ambicionnan y prioridadnan di nan cartera. Segun Secretario di Estado Szabó, e reunion tabata positivo, informativo y a expresasu aprecio pa e energia y vision cu e gabinete ta proyecta. Secretario di Eestado Szabo lo no duda den duna asistence den forma di conocemento y experiencia tecnico si mester.
“Tin un bon dinamica di cooperacion den Reino. E desafio awota pa sigui reforsa esaki den e periodo cu ta bin,” Szabó a conclui. Gobierno di Aruba ta considera e bishita como un paso constructivo den mehora e lasonan den reino, basa riba comprension, respet mutuo y un vision comparti pa progreso sostenibel.
