Noticia

Parlamentario Marco Berlis (MEP): Pais Aruba ta recuperando fuerte y esaki ta keda reconoci local y internacionalmente

Recientemente IMF, BCA y EBA a saca un rapport riba e desaroyonan economico riba e desaroyonan di nos pais. Den e rapport aki por constata con nos pais ta recuperando y ta bayendo den e direccion corecto. Hasta e titulo di e rapport di IMF ta refleha e entusiasmo y positivismo di IMF pa loke ta e recuperacion di nos pais.

Rapport di IMF – “Aruba ta bons bek fuertemente for di e pandemia.”

Advertisements
  • IMF ta raporta cu na 2021 e GDP di Aruba a crece cu 27.6%
  • Na 2022 IMF ta raporta cu nos GDP a bolbe crece cu 7.3%
  • IMF ta señala un desaroyo positivo: Aruba su deficit riba presupuesto durante pandemia tabata na 2020 – 16.2% y 2021- apenas 0.5% y un surplus na 2023 di 1%!
  • IMF ta raporta cu e debe pa GDP di Aruba a baha for di 112.3% pa 90.7%, (y despues 88% CAFT)
  • IMF ta raporta cu crecimento economico di 2023 ta te aworaki na 2.3%.
  • Desempleo a baha di 2021 di 8.8% pa 6.6% na 2022.

Rapport “State of the Economy” di Banco Central di Aruba

  • BCA ta bisa lo siguiente di nos economia: “Den 2022, e rendimiento economico real estima a surpasa e nivel pre-pandemico. Un crecemento di 9.6% registra den producto domestico bruto (PDB) real a resulta principalmente for di un prestacion solido di turismo.

Rapport di Economisch Bureau Amsterdam (EBA) cu su rapport “Caribbean Investment Climate Index 2023.”

  • E rapport ta cuminsa declara lo siguiente: “Sterk herstel Arubaanse economie onderstreept aantrekkelijkheid investeringsklimaat.” Traduccion: Recuperacion fuerte di Aruba su economia ta subraya su clima di inversion atractivo.
  •  Aruba a recupera esun di mas fuerte for di pandemia memey di tur e paisnan riba e lista. E lista ta inclui 17 pais: Na prome Lugar Aruba, despues St. Maarten, Puerto Rico, The Bahamas, St. Lucia, Antigua and Barbuda, Curacao, St. Kitts and Nevis, Dominican Republic, Greneda, Dominica, Barbados, Jamaica, St.Vincent and the Grenadines, Trinidad and Tobago, Cuba y Haiti na ultimo lugar.
  • EBA: “No tin niun pais a recupera asina fuerte manera Aruba.”

Ta importante pa remarca cu nos pais ta recuperando fuertemente, unda nos debe ta bahando cabalmente, cifranan di diferente instancianan prestigioso manera IMF, CBA y EBA ta saca rapportnan cual tur ta demostra claramente e bon trabao di gobierno y su maneho financiero. Aruba ta recuperando, nos economia ta resiliente, nos a bons bek di e pandemia cu forsa, nos debe ta bahando fuertemente, nos clima di inversion ta number un den Caribe. Nos GDP ta creciendo y nos ta wak surplus pe aña aki cu a paga debe y pa 2024 tambe. Aruba ta conociendo un maneho nobo, un direccion di speransa cu ta hibando nos pais poco poco den un era di prosperidad atrobe.

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!

This will close in 0 seconds