Señorita Harms a gana e rifa di Brazil Taekwondo Stichting.

Den fin di siman Brazil Taekwondo Stichting tabata tin su rifa pa recauda fondo pa e TK5 pa Surinam 2024.E atletanan a bende nan rifa pa recauda fondo pa e team di Train Hard Fight Smart. Nan a bay na cas di Srta. Harms pa hiba su premio. Srta. Harms ta e felis ganado cu e number di fecha di nacemento 424 cu a hunga pa sorteo Diario dia 2 di Juli. 

Dialuna anochi despues di training e team a dicidi di bay entrega e placa cash na Srta. Harms. Srta. Harms a bisa cu su mascotanan lo wordo bon getreat cu e premio gordo. 
Presidente di Brazil Taekwondo Stichting Clifford Rasmijn a entrega e premio cash y a felicita Srta. Harms cu su premio. Srta. Harms a gradici e muchanan y bisa cu semper por pasa cerca dje y su famia pa bende cualkier cos pa recauda fondo pa bon causa.
Brazil Taekwondo Stichting no ta colecta riba e brug di Renaissance so pa recauda fondo, pero tambe sa tin rifa pa recauda fondo. E calender di 2024 pronto lo ta riba mercado pa nos Pueblo di Aruba. Ainda falta algun luga mas pa bay saca potret. 

Clifford Rasmijn ta gradici Pueblo di Aruba pa nan contribucion y a bisa cu cos bon ta na caminda, sigui e Facebook page di Brazil Taekwondo Stichting pa ta na altura di tur desaroyo di e team di Train Hard Fight Smart.