Invitacion pa Aruba: ultimo Charla den bo Bario ‘E Derechonan di Pashent’

aruba bank mega

Riba 13 di maart a lansa e prome buki pa pashent den Reino Hulandes, titula ‘E Derechonan di Pashent’, y a inicia un gira den tur centro di Bario aki na Aruba.

Advertisements

Desde luna di mei Fundacion SIKI (Stichting Instituut voor Kennis en Innovatie) y e autor di e buki, mr.dr. Jayburtt Dijkhoff, a bishita tur diaranson anochi diferente bario. Durante e charlanan aki e participantenan por a haya informacion valioso y por a haci diferente pregunta tocante nan derechonan di pashent. Esaki tabata completamente gratis pa asina e comunidad por a haya informacion tocante con pa uza nan derechonan y kico por spera di e sistema di salud.

Awor a yega na e ultimo charla cu lo tuma lugar diaranson awor 5 di juli pa 7or pa 9or di anochi na Centro San Martin (pariba di Parokia di Santa Cruz). Esaki ta bay ta e ultimo charla, ya cu esaki ta marca e final di e gira. E buki ta bai ta obtenibel pa solamente Afl. 35,-.

P’esey no perde e oportunidad aki y invita famia, colega, amistadnan pa bin scucha tocante nan derechonan di pashent. Esaki ta un invitacion pa henter comunidad.

Pa mas informacion por bishita www.sikiaruba.org of Facebook pagina SIKI Aruba.

This will close in 0 seconds

This will close in 0 seconds