Pa medio di e comunicado aki, Departamento di Asunto Social (DAS) ta informa e comunidad di Aruba cu diabierna, 17 di april 2026, tur su localidadnan lo ta cera pa motibo di un reunion di personal (personeelsoverleg).

Durante e reunion aki, lo trata diferente tema relaciona cu e maneho di DAS den cuadro pa sigui sostene su empleadonan y e comunidad di Aruba di un forma cu ta promove bienestar pa nos tur.

DAS ta recorda e comunidad cu nos ta ofrece cuatro(4) servicio principal na comunidad, entre nan:

  1. Abogado Liber
  2. Bida y Famia
  3. Guia Social
  4. Sosten Financiero

Como Departamento di Asunto Social, nos kier enfatisa cu comunidad no mester enfrenta momentonan dificil of preocupacion nan so. DAS ta disponibel pa brinda guia, apoyo y sosten den momentonan cu mas un persona mester di dje.

Tur e localidadnan di DAS lo ta habri bek dialuna 20 di april, for di 7:30 a.m. te 4:30 p.m.

Pa mas informacion, por yama na 528-1100. Tur yamada for di un number di SETAR ta gratis.

DAS ta sigui traha pa crea bienestar pa nos tur.