Husticia

Ministerio di Husticia y Asuntonan Social:
BRANDWEER ARUBA TA SIGUI CURSO PA CERTIFICA COMO INSTRUCTORNAN LOCAL

ORANJESTAD – Durante un siman di cursonan intensivo, Brandweer Aruba a cuminsa cu e proceso pa prepara seis miembro di Cuerpo di Bombero pa bira instructornan local di Brandweer. E curso aki ta wordo duna door di “Veiligheidsinstituut Nederland” y lo dura alrededor di un luna mas. Recientemente, e seis “bevelvoeders” di Brandweer Aruba a bula pa Curacao, caminda nan lo sigui ricibi e trainingnan necesario, pa por termina e curso. E curso aki ta wordo atendi hunto cu Cuerpo di Bombero di Curacao.

Cultura Deporte

Por entrega nominadonan pa
Copa Hubenil Gobernador Felipe Tromp

Oranjestad – Comision Copa Hubenil Gobernador Felipe Tromp ta considera pa honra un hoben of instancia hubenil cu a destaca sea riba tereno deportivo, social of cultural.
Manera ta conoci, na 2020 y 2021 no por a reconoce nos talentonan hubenil debi na e pandemia. Tampoco no por a organisa e evento y pa motibo di e pandemia COVID 19, hobennan no por a practica manera custumber y desaroya nan talentonan sea riba tereno deportivo, social of cultural. Consecuentemente nan no por a destaca riba nan tereno. Otronan tabata desafia malesa y naturalesa coriendo e riesgo di wordo contagia cu e virus.

Politica

Parlementario Alvin Molina
Aña presupuestario 2022 lo mester tin extra enfasis riba nos capital humano

2022, loke ta un momento hopi importante, ya cu despues di esaki, gobierno lo tin un idea kico lo ta su espacio financiero pa maneha nos pais. “Sinembargo ta bon pa señala cu pais Aruba ta pasando den un situacion financiero hopi delicado, caminda den ultimo añanan, den gara di un pandemia, debenan a subi mientras cu entradanan pa gobierno a baha substancialmente. Esaki ta resulta den un necesidad financiero pa aña 2022 di 1651 miyon florin. Asina mes gobierno ta comunica cu e aña aki lo ta un aña di inversion”, parlamentario Molina ta bisa.

Salud

HOH, LabHOH y Bloedbank cu bon acogida na Aruba One Healthy Day

ORANJESTAD, Aruba – 28 di maart 2022: Tanto Horacio Oduber Hospital como tambe Stichting Bloedbank Aruba y LabHOH a participa den e evento di “Aruba One Healthy Day”. Durante e exposicion a suministra informacion riba e diferente funcionnan cu tin den un Hospital banda di enfermero y of dokter. Tambe a informa riba e academia di hospital y su proposito , mientras Stiching Bloedbank Aruba tabata brinda infomracion pa asina adkiri mas donante. LabHOH a duna diferente demonstracion di kico ta pasa den un laboratorio.

Deporte

ARTBO ta gradici prensa, Miembronan di COA, Subsidie Commissie y tur e Boluntarionan pa asisti na e Campeonato di Himno y Bandera

Esaki ta e prome evento cu ARTBO a organisa pa e aña aki. E siguiente evento ta e Campeonato Nacional di dia di Rey, sigui pa Campeonato Nacional di Aruba. ARTBO tin varios evento pa aña 2022 entre otro Curso y Campamento di Taekwondo. Sr. Moises Fernandez ta hopi contento di por a mira con grandi Taekwondo a crece apesar cu Covid a paralisa Taekwondo pa un tempo.

Deporte

Paradise Strength Aruba
“Learn the Basics” Seminar di Powerlifting un Exito Rotundo

Oranjestad- Diasabra atardi durane un seminario di mas cu 3 ora, unda a trata e tema di powerlifting y tur otro aspect cu tin di haber cu “barbell training”, 22 atleta di diferente ramo di deporte, a siña e aspect fundamentalnan di e deporte. E seminario a wordo duna door di coach Jonathan Wever y coach/atleta Jason Li, unda ambos a duna splicacion y demonstracion di tur cos cu tin di haber cu e deporte.

Cultura

Celebracion di Dia Mundial di Teatro y Reconocemento Nacional di teatro 2022.

Oranjestad – Dia Mundial di Teatro ta riba tur 27 di maart di tur aña. Un dia proclama pa UNESCO. Y pa e ocasion aki Ministerio di Cultura, Departamento di Cultura Aruba,
Fundacion Arte Pro Arte Aruba (FARPA) y Cas di Cultural Aruba ta presenta un anochi di expresion caminda teatro ta bibo riba escenario den Cas di Cultura despues di tabatin un masterclass ofreci na docentenan di CKV, director y actornan di teatro.