Nos t'ey pa Informa bo
Riba 1 di sèptèmber Sekretario di Estado di Relashonnan den Reino, Alexandra van Huffelen a habri e kongreso Komunikashon, Forsa di Reino, na un manera digital. Promé minister Gilmar Pisas alabes a hiba palabra durante e apertura.
Hanke Bruins Slot, Minister di Asuntonan Interno y Relacion di Reino (Binnenlandse Zaken en Koninkrijksrelaties, BZK), y Alexandra van Huffelen, Secretario di Estado di Relacion di Reino y Digitalisacion, ta … Read More
ORANJESTAD – Diahuebs 1 di september, Prome Minister señora Evelyn Wever-Croes pa medio di un video, a haci apertura di e Workshop Corporate Governance cu a wordo organisa aki na Aruba na Hilton Aruba Caribbean Resort and Casino. Corporate Governance ta e reglanan cu ta rigi e relacion entre un gobierno y companianan estatal. E ta stipula con e superviscion mester tuma luga, unda e autoridad di un gobierno ta yega, kico bo por y kico bo no por dicidi como gobierno.
Dialuna 29 di September 2022 Minister Glenbert Croes conhuntamente cu Utilities, WEB y ELMAR a anuncia inicio di e proceso pa yega na un parke nobo di molina di biento. E parke aki ta keda realisa den cuadro di e vision y maneho di energia di Gobierno di Aruba. Un vision cu por cierto ta keda carga pa tur stakeholders contrario na esun irealistico cu tanto show AVP a y ta haci cu ne. Meta di e proyecto aki ta pa sigui transforma Aruba su dependencia riba crudo HFO y switch pa un energia duradero, sostenibel, limpi y principalmente pagabel pa nos pueblo.
E ciclo di charla “Hoyanan di Herencia Cultural Subacuatico na Aruba” ta continua cu un presentacion sumamente interesante di arkeologo na MANA (Museo Arqueologico Nacional Aruba) drs. Raymundo Dijkhoff. MANA ta invita tur esnan interesa pa ta presente diahuebs dia 15 di september awor di 7:30 pa 9:00 di anochi den su auditorio pa haya sa mas di e desaroyo di arkeologia subacuatico na Aruba.
Numeroso investigacionnan haci riba tereno familiar ta mustra e importancia di e rolnan di e tata y mama den e structura di un famia. E presencia, amor, atencion, guia y disciplina cu mayornan ta duna y modela na nan yiunan, ta vital pa nan formacion y conducta. Investigacionnan haci ta mustra cu muchanan cu ta wordo cria den un hogar tradicional unda cu e mayornan ta casa, tin hopi menos chens di mustra diferente sorto di problema (academico, social, emocional, cognitivo), no solamente den nan niñes pero tambe despues como adulto. Famianan cu ta consisti di ambos mayornan, tata y mama, generalmente ta garantisa cu e muchanan tin mas acceso na recursonan economico. E mayornan aki tin e abilidad pa reparti nan tempo, placa y energia y estadisticanan ta mustra cu yiunan den un famia asina aki mayoria di biaha ta e centro di atencion den e hogar. Den otro palabra, e yiunan ta haya e atencion y amor cu nan merece y asina por wordo lanta den un hogar adecua.
Su Mahestad Rey y su Mahestad Reina Máxima ta hiba un bishita di trabou na parti Caribense di Reino, fin di januari te cu comienso di februari 2023. Su Altesa Real Princes di Oranje lo ta di acompaño pa sera conoci cu e paisnan Aruba, Curacao y Sint Maarten y e islanan cu ta forma Hulanda Caribense: Boneiro, Sint Eustatius y Saba.
ORANJESTAD: Diaranson merdia na den un esfera ameno y positivo na JFK Education Center a tuma luga firmamento di contract nobo pa intructornan di landamento. Presente na e ocasion special aki tabata Parlamentario, sra. Shailiny Tromp – Lee y sr. Hendrik Treveden, directora di Departamento di Enseñansa sra. Anne Marie Proveyer – Groot y ekipo di DEA como tambe sra. Josephine Albertus di Sindicato SIMAR. E proyecto di landamento escolar inicia 17 di januari di aña 1993. E aña aki tin 34 scol basico y 2 scol special ta haya les di landamento.
MACUARIMA, ARUBA: MACUARIMA, ARUBA: Cuerpo Policial Aruba ta sumamente contento di yama klas N4 2021 1 y 2 Bon Bini na nos organisacion policial. Den un celebracion ameno mayornan y famia por a presencia e huramentacion di nan yui den un forma di Drive-By na Scol di Polis E.J. Watty Vos situa na San Nicolas.
ORANJESTAD – Segun Managing Director di Utilies Aruba NV sr. Anthony Rojer, awor aki ta den un lucha pa combati emision, purba salba e planeta y biba den un medio ambiente mas limpi. Den cuadro di esaki el a comparti algun cifra di e situacion di emision na Aruba y alabes a duna un splicacion tocante e vision pa e proximo parke di molina di biento cu lo wordo ubica na Rincon.
