Politica

Parlamentario Alvin Molina (MEP): Palabranan di pabien na sint michaël school cu celebra 65 aña di existencia

En conexion cu e 65 aniversario di Sint Michaël School dia 1 di september ultimo nos a bishita e scol pa saluda y felicita cabesante sra. Valery Janga, maestronan y alumnonan di e scol.
E encuentro social ameno a tuma luga bou palo di e scol unda cada klas a prepara un bunita presentacion pa e invitadonan. Cu yen di entusiasmo, alegria, energia y creatividad e alumnonan a declama poema, canta y baila pa celebra e aniversario di safir di nan scol.

Gobierno

MINISTER ENDY CROES A ENTREGA TROFEO NA E CAMPEON DI LIGA INFANTIL DI FUTBOL COPA ROY CROES 2022. Pabien S.V. Unistars cu excelente torneo di futbol.

ORANJESTAD: Durante fin di siman a tuma luga e torneo Copa Roy Croes na Compleho Deportivo Yara. E torneo a wordo dedica na honor di e fundado, presidente, coach y tata di e presidente actual di S.V. Unistars sr. Roy Croes cu a fayece den luna di april ultimo, na e edad di 71 aña. Sr. Roy Croes ta conoci den e bario di Pos Chikito y Savaneta.

Social

Fundacion Kapel di Bethania ta recorda fecha importante

Riba 25 di augustus 2022 a recorda net un aña cu “Monumentenbureau”, cu ta e instancia gubernamental encarga cu e ordenanza di Monumento na Aruba, ta indica e interior di e ‘Kapel di Bethania’ situa na Noord 2 como monumento proteha, por medio di un decreto firma door di Minister di Cultura sra Xiomara Maduro.

Gobierno

Minister Maduro ta gradici dr. John Croes pa su 40 aniversario como dokter cu ta mantene nos cultura di uzo di remedi natural banda di esun convencional

Minister Maduro di Cultura a ricibi bishita di dr. John Croes kende e aña aki a cumpli 40 aña como dokter na servicio di comunidad di Aruba. Dr. Croes ta conoci pa su uzo di remedi di tera banda di medicina convencional cu ta enseñansa ricibi di su defunto Wela cu tabata un froemoen (vroedvrouw) y su Omo cu tabata biokimico

Noticia Politica

Secretario General di MEP: Un Avestruz cu 2 cabes tanto Mike bou tera y Benny riba tera

Por tuma nota cu e caso Avestruz esta e caso di corupcion di mas grandi den historia di Aruba unda ex minister di AVP Benny Sevinger ta e sospechoso principal lo ta den corte e siman nos dilanti. Nos por a compronde cu ta trata di 22000 pagina di investigacion pues lo mira Ministerio Publico lastrando maleta(nan) di documento pa corte durante e siman aki. E caso aki lo dura alrededor di 4 luna esta ta cuminsa e siman di 5 di september y lo termina te december pa despues corte esta huesnan duna nan veredicto rond final di januari 2023.