Nos t'ey pa Informa bo
Den luna di september, e trabounan pa loke ta trata evaluacion di cumplimiento den sector di aviacion di Aruba a cuminsa. E team di ICAO (Organization Internacional di Aviacion Civil) a tene diferente sesionnan extensivo pa repasa tur e leynan, procesonan actual di aviacion civil, pa cuminsa identifica puntonan di mehoracion.
Riba dialuna 19 y diamars 20 di september proximo, como parti di un esfuerso conhunto entre Aruba Tourism Authority (A.T.A.) y Aruba Hotel and Tourism Association (AHATA), ta organisa algun sesion special dedica na parti di e sector di turismo y hospitalidad. E evento ta tuma luga den Las Palmas Ballroom di Holiday Inn Aruba Resort & Casino. Mirando cu e espacio ta limita, a pidi companianan pa scoge e empleadonan cu lo participa na e sesionnan aki.
Minister Xiomara Maduro di Cultura, a bishita e atelier di e artista Arubiano Gilbert Senchi na Bogota, Colombia pa asina cera conoci di cerca cu e obra di arte ‘Driekiel’ cu ta e obra di arte publico cu ta destina pa bay keda exponi riba un retonde na Aruba.
ORANJESTAD – Prome Minster di Aruba Evelyn Wever – Croes conhuntamente cu Prome Minister di Corsou Gilmar Pisas y Prome Minister di Sint Maarten Silveria Jacobs, lo forma parti di e di 77 “Algemene Vergadering van de Verenigde Naties (AVVN). E delegacion ta wordo guia door di Premier Mark Rutte di Hulanda.
Durante Minister Maduro di Cultura su bishita na e atelier di e artista Arubiano Gilbert Senchi na Colombia, e mandatario a haya e oportunidad pa mira e busto di e defunto Polis Tino Ruiz cu ta den su fase final. Na aña 2017 e hoben Polis Ruiz lamentablemente a perde su bida na momento di brinda un asistencia policial. Su fayecimento a conmove comunidad y un mocion a keda presenta den Parlamento pa Gobierno laga traha un busto pa asina e famia, colega y comunidad en general por keda recorda e hoben Polis Tino Ruiz y tur otro persona cu a perde nan bida sirbiendo nos Pais.
Prome Minister Evelyn Wever-Croes a indica cu desde 15 di September tin un maneho di overtime den gobierno pa motibo cu e placa cu tin disponibel pa overtime ta bay caba si no bin cu e medidanan aki. E medidanan ta pa evita cu no tin placa pa paga overtime. “E temponan aki ta diferente cu otro temponan, ya cu otro temponan bo por a surpasa bo presupuesto y bo ta haya bo pago toch. Pero awor cu nos mester pone orden den e situacion financiero di nos pais especialmente despues di Covid, nos no por dijes surpasa e presupuesto”.
ORANJESTAD – Diabierna atardi Minister di Turismo y Salud Publico sr. Dangui Oduber tabata presente na airport pa e vuelo inaugural di Arajet cu a yega directamente for di Santo Domingo. Aki e mandatario a duna un discurso chikito caminda e la duna Arajet un caluroso bon bini na pais Aruba. Arajet sigur lo aporta grandemente na Aruba su turismo y duna mas accesibilidad na e ruta entre Aruba y Republica Dominicana na un prijs hopi economico.
Diahuebs 15 di September a tuma luga e reunion publico den Parlamento pa trata e presupuesto di DOW. 12 Parlamentario a vota pa sostene e presupuesto di DOW di e aña aki. Prome Minister Evelyn Wever-Croes a indica cu e presupuesto a yega Parlamento basta laat a consecuencia di e trabounan cu a bin cerca debi na e pandemia. Entre otro tambe tawatin diferente ley cu mester a wordo traha cu a trece tardansa na esaki.
Den e siman aki cuminsando di dialuna 12 di september 2022 tabatin votacion pa presidente y vice-presidente di Parlamento pa aña 2022- 2023. Como presidente di Parlamento a reeligi sr. Edgard Vrolijk y vice-presidente Sr. Raymond Kamperveen. Diamars 13 di september 2022 tabata aña parlamentario 2022 – 2023. Tur aña riba e di dos diamars di september e aña parlamentario nobo ta tuma luga. Esaki ta e di 37 Aña Parlamentario di Pais Aruba y e ta un momento hopi solemne pa e organo di mas importante di Pais Aruba.
Den e reunion publico di Diahuebs tratando e presupuesto di DOW, Mike Eman manera semper no tabata tin ningun pregunta pa gobierno, no a dirigi su disertacion riba e tema trata y ta keda mustra cu e no tin ningun otro vision cu bolbe endeuda nos pais, si e haya e chens di goberna un biaha mas. Mike Eman den su disertacion tabata gabando cuanto asfalt, klinker, brug y MFAnan el a traha, y keda sin traha na San Nicolaas paso placa, pero cu a hinca pais Aruba inmediatamente den pobresa. Un debe cu pueblo lo mester paga cu orguyo te cu 2044 y cu 7.5 gobierno lo mester trata na goberna cu ne.
This will close in 0 seconds
This will close in 0 seconds
This will close in 0 seconds
This will close in 0 seconds
This will close in 0 seconds
This will close in 0 seconds
