MINISTER ENDY CROES A FIRMA CONTRACT NOBO CU 19 INSTRUCTORNAN DI LANDAMENTO. E contract tin un periodo di 5 aña.

ORANJESTAD: Diaranson merdia na den un esfera ameno y positivo na JFK Education Center a tuma luga firmamento di contract nobo pa intructornan di landamento. Presente na e ocasion special aki tabata Parlamentario, sra. Shailiny Tromp – Lee y sr. Hendrik Treveden, directora di Departamento di Enseñansa sra. Anne Marie Proveyer – Groot y ekipo di DEA como tambe sra. Josephine Albertus di Sindicato SIMAR. E proyecto di landamento escolar inicia 17 di januari di aña 1993. E aña aki tin 34 scol basico y 2 scol special ta haya les di landamento.

ATIA a yuda motiva nos atletanan hoben

ORANJESTAD (29 augustus 2022) – Como parti di e programa di e conferencia LIDERA, organisa pa Aruba T rade & Industry Association (ATIA), rond di 450 atleta hoben di Aruba a atende diabierna ultimo un sesion di motivacion duna pa e orador internacional Trent Shelton. E evento a conta tambe cu figuranan destaca di deporte local, cu a comparti na experiencia y lesnan den ballroom di Marriott Aruba Resort & Stellaris Casino. Pa ATIA, esaki tabata un oportunidad excelente pa aporta na un desaroyo integral di e nos deportistanan, y hunto cu ne, di e futuro lidernan di nos comunidad.

Parlamentario drs. Shailiny Tromp-Lee (MEP): Nos instructornan di landamento porfin a mira adelanto Desde oktober 2020 mi a bin ta pidi atencion pa nos Instructornan di Landamento

Desde dia 7 di oktober 2020 cu mi reuni cu 2 representante di e grupo di Instructornan di Landamento mi a bin ta pidi atencion di Gobierno pa e grupo meta aki. Nan a acerca mi persona e tempo ey pa plantia nan preocupacion y alabes duna splicacion di e situacion cu nan tabata aden. Tabata trata di un grupo di alrededor di 20 trahador cu desde 2 di september 2020 tabata bibando den insiguridad y a acerca mi como Parlamentario pa yudanan haya claridad y transparencia for di Gobierno.

Desde 1 di September encuesta “Duna bo opinion” digitalisa Hospital di Aruba ta conta cu bo opinion na final di bo estadia

Desde 1 di September 2022 Horacio Oduber Hospital (HOH) ta start bek cu su encuesta ya conoci “Duna bo opinion” pero den un bachi moderno, esta completamente digital. Antes e encuesta aki tabata uno manual y desde awe tur pashent cu ta interna den HOH ta haya e oportunidad pa duna nan opinion di forma digital via un tablet na final di nan estadia. Un paso den direccion moderno, eficiente, rapido y anonimo

PREMIO EXCELENCIA DEN DEPORTE A RECONOCE SR. RICARDO ‘CADO’ KOCK COMO BALUARTE DEPORTIVO 2021.

Oranjestad: Un otro persona cu a ricibi e reconocemento di Baluarte Deportivo ta Sr. Ricardo ‘Cado’ Kock cu sigur no ta desconoci den e mundo di drag race na Aruba. For di aña 1982 sr. Kock ta ‘driver’ di Big Joe Racing Team. E nomber di ‘Big Joe’ cu su ‘driver’ Ricardo ‘Cado’ Kock ta na honor di sr. Jose Maria ‘Joe’ Kock (Q.E.P.D.) cu ta hopi conoci den e mundo di drag na Aruba y Caribe.

Parlamentario Marco Berlis (MEP): MARISOL NUNCA TABATA PREOCUPA CU RWZI

Diamars anochi mi a keda completamente babuca despues cu mi a wak un video di Marisol Lopez Tromp cu ta circulando riba Facebook. Den e video aki Marisol ta papia di e condicion di Bubali Plas y RWZI. E ta menciona con preocupa e ta pa e coralnan, beachnan, turista, localnan y lo demas. E ta menciona cu mester di upgrade, mantene y mehora RWZI mientras cu tin un musica di suspenso ta toca den background. Hopi bunita e video ta, pero e contenido no ta refleha ni pa un seconde loke fraccion di MAS ta para pe. Y ta netamente esaki ta e motibo di e articulo aki, pasobra como representantenan di pueblo nos mester ta critico pero sigur no gañado ni manipulado. Specialmente ora cu fraccion di MAS su accionan di pasado recien ta grita totalmente opuesto di e contenido di practicamente henter e video publica.

This will close in 0 seconds

This will close in 0 seconds