Noticia

The Oasis Farm Aruba un ehemplo den varios aspecto

Diaranson atardi Minister Ursell Arends hunto cu Santa Rosa a haci un bishita na The Oasis Farm Aruba. Un bunita proyecto cu Sr. Ruthsel Emer a cuminsa cu’ne y a crec’e pa bira un atraccion turistico pues tambe un luga hopi gusta door di nos localnan. Oasis Farm Aruba ta sirbi como un ehemplo den varios aspecto pues un proyecto cu a keda expande su operacion den 2022 cu exito pero alabes lamentablemente no ta cumpli cu tur rekisitonan pa cu e terenonan unda a expande riba dje.

Gobierno

MINISTER ENDY CROES A ATENDE RECEPCION DI DESPEDIDA DI SR. ERWIN ARKENBOUT.

ORANJESTAD: Recientemente den un encuentro social a tuma despedida oficial di sr. Erwin Arkenbout, representante di Hulanda na Curaçao. Esaki a tuma luga na Quinta del Carmen y a conta cu presencia di Su Excelencia Gobernador di Aruba Alfonso Boekhoudt, Prome Minister y demas colega Minister, miembronan di Parlamento di Aruba como tambe representantenan di sectornan comercial y semi publico

Politica

Parlamentario Shailiny Tromp-Lee (MEP): Cu palabra di elogio pa AVB cu nan Award Night y felicitacion na tur nominado, ganador y clubnan cu a haya un homenahe

Sigur p’ami tabata un honor di por a forma parti di e Award Night di AVB cu a tuma lugar diabierna ultimo na Cas di Cultura. Un anochi di gala caminda e for di e caranan di e nominadonan bo sa cu nan ta sinti nan mes orguyoso. Un anochi hopi bunita. Durante e Award Night Arubaanse Voetbal Bond a reconoce e hungadonan for di categoria U-9 Plata te cu Division Honor. Tambe a reconoce coach y refereenan cu mas a destaca den e Campeonato 2021-2022.

Politica

Parlamentario Marco Berlis (MEP) ta papia di; GASOLIN, DIESEL Y KEROSIN TA BAHA ATROBE PA DI DOS LUNA CONSECUTIVO.

Luna pasa a habri cu e bon noticia cu Gasolin, Diesel y kerosin ta baha. Nos por a wak e prijsnan di e bari di petroleo a fluctua bastante den Augustus y cu tabata tin momentonan cu e la baha y un siman cu e la subi. Minister di Economia sr.Geoffrey Wever y su ekipo di expertonan a tuma nota di e desaroyonan internacional riba e Mercado di petroleo, y basa riba nan calculonan Aruba lo conoce otro rebaho di Gasolin, Diesel y Kerosin pa e luna di September 2022. Esaki sigur ta un bon noticia ya cu esaki tambe lo yuda nos pais y nos pueblo recupera mas rapido di e crisis financiero cu nos ta aden.

Gobierno

MINISTER ENDY CROES A ATENDE RECEPCION DI DESPEDIDA PA GOBERNADOR HOLIDAY DI SINT MAARTEN OFRECI PA GOBERNADOR DI ARUBA, SR. ALFONSO BOEKHOUDT.

ORANJESTAD: Recientemente Gobernador di Aruba a ofrece un bunita recepcion na Cas Ceremonial pa despedida di Gobernador S.E. Eugene Holiday di Sint Maarten, cu dia 10 di october proximo su di dos periodo di trabou ta yega su final. Gobernador Holiday di Sint Maarten ta e prome y unico Gobernador te ainda cu Sint Maarten a conoce. Presente ne atardi special aki tabata Minister President sra. Evelyn Wever- Croes y miembronan di Parlamento di Aruba a haci uzo di e oportunidad pa despedi di Gobernador di Sint Maarten.

comercio

Conoce e 4 oradornan di e Annual Business Event di KvK ARUBA CHAMBER BUSINESS EVENT 2022 – 24 DI SEPTEMBER 2022

ORANJESTAD  – Diasabra 24 di september lo tene den Renaissance Convention Center e Aruba Chamber Business Event 2022. Esaki ta e evento anual di Camara di Comercio y Industria Aruba (KvK) enfocando riba e empresario local y poniendo enfasis riba un topico actual. Pa e ocasion aki e topico ta dirigi riba “con pa construi un negocio resiliente pa e futuro” caminda e importancia di un empresa resiliente lo wordo discuti y e manera con empresario por fortica nan empresa. E topico aki ta hopi discuti tanto den sector priva como sector publico y KvK su meta ta pa conecta e comerciante y trece mas concientisacion durante e evento aki.

Gobierno Noticia

Premier Wever – Croes: ARUBA TA TUMANDO E INICIATIVA Y TA PURBANDO MANERANAN NOBO PA HACI COSNAN DIFERENTE Aruba Innovation Summit 2022

ORANJESTAD – E siman aki a tuma luga e conferencia anual Aruba Innovation Summit 2022: The New Era of Reinvention. Prome Minister di Aruba alabes Minister di Innovacion Evelyn Wever – Croes a expresa na e ocasion cu e ta un honor pa hiba palabra y duna bon bini na tur cu tabata presente na e evento. Proposito di e conferencia ta pa trece e comunidad hunto pa colabora y inspira otro.

Deporte Gobierno

MINISTER ENDY CROES A RECONOCE SELECCION DI ARUBA CU A TITULA CAMPEON LATINO AMERICANO SENIOR DIVISION NA AÑA 1981 Y 1982.  

ORANJESTAD: Diabierna ultimo na Marina Pirata di famia Donker, na unda cu sr. Ricky Donker tambe a wordo reconoci, a tuma luga un anochi dedica na e atletanan cu a forma parti di seleccion di Aruba y a titula campeon Latino Americano Senior Division na aña 1981 na Puerto Rico. Como tambe campeon Latino Americano Senior Division na 1982 na Sint Maarten. Dos biaha nos seleccion a titula campeon y na dos ocasion a representa Aruba den Serie Mundial cu a tuma luga na Gary Indiana na Merca.