Gobierno

Prome Minister Evelyn Wever – Croes:
PROYECTO “REFUGIO SOCIAL” A KEDA CLA AWOR ARUBA TIN UN SHELTER PA HENDE HOMBER

ORANJESTAD – Recientemente a tuma luga un ocasion hopi special. Prome Minister tabatin e honor pa efectua e traspaso di yabi di e proyecto “Refugio Social”. Ta trata di un proyecto cu a wordo financia door di fondonan cu Hulanda a pone disponibel den cuadro di crisis di Venezuela. Prome Minister ta gradici e organisacionnan Bureau Rampenbestrijding, Fundacion Refugio Social y CEDE Aruba pa a coordina e proyecto aki. Particularmente CEDE Aruba cu a aplica pa e fondonan.

Gobierno Salud

Minister Dangui Oduber: REPRESENTANTENAN DI DVG A ATENDE REUNION DI CARPHA DEN NOMBER DI GOBIERNO NA JAMAICA

Durante esaki e represenatantenan di Departemento di Salud Publico (DVG) a atende reunion anual dedica na control di criadero, malesanan cronico y comunicacion. Den comunicacion e reunion anual di Regional Health Communication Network (RHCN) diferente isla a wordo aserca pa duna presentacion di nan isla. Aruba sigur no a keda afo y seccion promocion di salud a duna un presentacion na e otro islanan den e area covid-19 y a comparti mensahenan di campañanan di Aruba y e progreso di e pai

Politica

mr. dr. Ryçond R. Santos do Nascimento (AVP): E diferencia di mentalidad entre Mike y Evelyn: hechonan ta papia pa nan mes

Historia di señora Evelyn ta mustra un politico cu ta sigui e mesun trayectoria cu nos ta mira den pasado di MEP y un sinfin di partidonan chikito: oportunismo. Un politico cu no tin ningun idea con e por yuda Aruba progresa, ta uza e topiconan cu na e momento ta mustra oportuno, manera abuso di mucha. Como cu ni Evelyn ni MEP tabatin idea propio pa cu problemanan social na Aruba, a practicamente entrega maneho social den man di señora Glenda Hernandez. Otro ehempel ta e topico di integridad cu a bira popular cu e investigacion riba minister Paul Croes.

Politica

Parlamentario Ricky Hoek: Mike Eman ta imita Donald Trump pa halsa su mes durante apertura di aña parlamentario

Diamars dia 13 di september ultimo, Parlamento di Aruba a celebra su apertura di Aña Parlamentario 2022 – 2023. Un ceremonia solemne caminda Gobernador di Aruba a hiba un discuro elocuente na e Presidente di Parlamento, Honorabel Miembronan di Parlamento, Ministernan, ex-Presidentenan di Parlamento, ex-Gobernadornan di Aruba, invitadonan di instituto y instancianan prominente den nos comunidad. Señor Gobernador den e parti final di su discurso a reitera cu union, solidaridad y respet ta clave pa un recuperacion genuino. Union pa un causa nacional. Respet pa e dignidad humano. Solidaridad pa esun cu mas mester di dje. Esakinan alabes ta forma e fundamento di e estado di derecho cu nos pais ta.  

Education Gobierno

MINISTER ENDY CROES A ALOCA FONDONAN EXTRA PA MATERIAL DI SCOL Y ALGUN EXTRA LOKAAL NA EPI.

ORANJESTAD: Durante siman Minister Endy Croes hunto cu su conseheronan di Ministerio di Enseñansa a reuni cu staf di EPI tanto e Algemeen Directeur Sr. Ryan Maduro y Onderwijskundige Directeur Sra. Claudia Withfield riba varios topico pa asina e mandatario keda bon informa di tur desaroyonan. EPI ta un scol grandi di alrededor 1700 alumno. Manera nos sa EPI a, y ta pasando den innovacion y a modernisa 8 opleiding desde 2021-2022 y como tal e aña escolar aki 2022-2023 a inicia cu estudionan nobo.

Turismo

Aruba Tourism Authority y Aruba Hotel and Tourism Association ta organisa algun sesion special cu e artista Levi Silvanie

Riba dialuna 19 y diamars 20 di september proximo, como parti di un esfuerso conhunto entre Aruba Tourism Authority (A.T.A.) y Aruba Hotel and Tourism Association (AHATA), ta organisa algun sesion special dedica na parti di e sector di turismo y hospitalidad. E evento ta tuma luga den Las Palmas Ballroom di Holiday Inn Aruba Resort & Casino. Mirando cu e espacio ta limita, a pidi companianan pa scoge e empleadonan cu lo participa na e sesionnan aki.