Expertonan di WEB a revela desaroyonan hopi serio cu proyecto di LNG

Actuando mesora diahuebs mainta e tres fraccionnan a manda dos carta caminda ta pidi un reunion publico, esta un “publieke bijeenkomst” caminda lo invita expertonan di tanto VWI como SIWA, pa duna informacion na Parlamento di desaroyonan hopi dudoso cu henter e proyecto di LNG. Den e otro carta a pidi tanto Prome Minister como Minister di  Energia  pa para e desaroyonan dudoso cu via di Utilities gabinete Wever Croes a bin ta imponiendo riba e planta di awa y electricidad.

DEPARTAMENTO METEOROLOGICO ARUBA

Awe 8:00 PM e ola tropical (wave) aki tabata situa mas o menos na 67W, cu ta 240 km noordoost di Curacao. Cu e curso actual e wave aki ta bai move den parti oost di Caribe entre awe nochi y mayan diabierna. E wave ta ser acompaña pa awacero modera te pisa y mal tempo, y ta move west- noordwest rond di 25 pa 30 km/h.

Utilities Aruba N.V.: SR. RICHARD FRANK TA MAL INFORMA COMUNIDAD.

ORANJESTAD  –  Gerencia di Utilities Aruba N.V ta desea di coregi algun expresion incorecto cu sr. Richard Frank na nomber di Directiva di Asociacion di Empleadonan cu un Contrato Laboral Individual den Servicio di W.E.B. Aruba N.V. (VWI) a defundi na comunidad durante un Conferencia di Prensa cu a tuma luga recientemente.

Minister di Finansa Xiomara Maduro ta informa: Si no frena e overtime, esaki lo surpasa 10 miyon florin, surpasando e fondonan disponibel riba presupuesto pa pago di overtime

Durante un conferencia di prensa di Gobierno di Aruba Minister Xiomara a elabora riba pago di overtime. Siman pasa Gobierno di Aruba pa medio di Prome Minister di Aruba a anuncia e maneho nobo di overtime pa e periodo di 15 di september te cu fin di aña, esaki ta necesario ya cu gobierno a bin ta baha gastonan di gobernacion.

Minister Endy Croes: NA LUNA DI NOVEMBER PROXIMO VELD DI KUDAWECHA TA FUL OPERACIONAL.

Oranjestad: Recientemente Minister Endy Croes a reuni cu sr. Kenneth Wever, di directiva di S. V. Kudawecha. Manera cu nos por corda veld di Kudawecha a cuminsa cu renobacion den aña 2021 pero a keda falta material pa asina finalisa e trabou. Mandatario di Deporte a informa cu mester a bestel extra material tanto yerba artificial como e netnan pa e backstop. Den un reunion recien cu sr. Wever a comparti cu e grato noticia cu e container cu e materialnan a cu tabata falta yega Aruba den luna di september. E mandatario a informa cu a tuma contacto cu e contratista y a traha un plan cu na final di luna di september cuminsamento di october ta continua cu e proyecto tambe lo verf y haci rond di e veld limpi. Ta premira cu pa prome siman di luna di november e proyecto aki ta wordo finalisa.

Cuerpo Policial ta Informa:

Departamento di Rijbewijs ta informa cu mirando e pronostico di e tempo malo pa Aruba e examen practico ( praktijk examenr/ coremento) di mañan diabierna 23 di september 2022 , pa seguridad di e candidato ta wordo CANCELA.

MINISTER DI DEPORTE A REUNI CU DIRECTIVA DI BARRACUDAS ARTISTIC SWIMMING ARUBA

ORANJESTAD: Recientemente Minister Endy Croes a reuni cu directiva di Barracudas Artistic Swimming Aruba, comision di mayor y presidente di Aruba Aquatic Federacion (AAF). E reunion tabata pa cera conoci cu directiva di Barracudas Aruba, AFF como tame di comision di mayor. Meta di e reunion tabata duna informacion di e depote, proyecto y plannan cu e organisacion tin pa futuro. Barracudas Aruba ta activo desde aña 1970 y ta conta cu 40 miembro.

FUNDACION PARKE NACIONAL ARUBA TA CELEBRA E CONTINUACION DI SU JUNIOR RANGER CAMP nos ta cla pa ricibi muchanan pa un siman activo yena cu hopi diberticion y educacion.

ORANJESTAD, ARUBA, 23 SEPTEMBER 2022 – Fundacion Parke Nacional Aruba (FPNA) ta contento di por
anuncia cu su Junior Ranger Camp tei atrobe. E Junior Ranger camp ta duna bon bini na muchanan pa
pasa nan vakantie di october den un manera activo y educativo. E camp lo tuma lugar for di 3 te cu 7 di
october 2022, y lo ta pa muchanan entre 9 y 12 aña di edad cu kier siña mas di Aruba su flora y fauna
diverso, ecologia, geologia y historia cultural.

Aruba Tourism Authority y Comite Olimpico Arubano a firma un acuerdo

Ya caba pa algun tempo Aruba Tourism Authority y Comite Olimpico Arubano ta den combersacion pa firma un acuerdo cu lo ta beneficioso pa ambos partido. Durante un conferencia di prensa Ronella Croes- CEO di A.T.A., Wanda Broeksema- Presidente di C.O.A. y Nicole Hoevertsz- Secretario General di C.O.A. a firma e acuerdo aki, unda cu A.T.A. lo ta un socio di Comite Olimpico Arubano