Nos t'ey pa Informa bo
ORANJESTAD – Diamars merdia, Minister di Husticia y Asuntonan Social sr. Rocco Tjon, hunto cu Coleganan Minister President sra. Evelyn Wever-Croes y Minister di Labor, Integracion y Energia sr. Glenbert Croes a reuni cu Secretario di Estado di Husticia y Siguridad Sr. Eric van der Burg. Mirando cu e topico di estranheria ta toca diferente faceta, y ta resorta bou di diferente Ministerionan a scoge pa reuni den e constelacion aki.
Parlamentario pa fraccion di AVP, sr Arthur Dowers, a mustra cu studiantenan di Aruba, ta sinti nan mes perdi na Hulanda pa falta di atencion adecuado di principalmente Minister Plenipotenciario Wilfrede Besaril y di Gabinete Wever Croes I y II pa atende cu nan interesnan.
ArtisA y Departamento di Naturalesa y Medio Ambiente (DNM) a lansa Art Fair 2022 cu e aña aki ta hiba como tema ‘Climate Meets Fashion’. Meta di e proyecto ta pa conscientisa comunidad di e problematica di ‘Climate Change’ esta cambio di clima. Sigur esaki ta un topico di vital importancia cu mundialmente ta wordo trata, na unda cu Aruba tambe a compromente n’e agenda di Nacionnan Uni 2030.
Dia 21 di September 2022 tabata e ultimo dia unda nos como parlamentario por a entrega preguntanan riba presupuesto 2023. Preguntanan ta wordo traha pa tur parlamentario y ta wordo entrega y procesa como fraccion. Esaki ta importante pa compronde, ya cu aña pasa ma entrega 100 pregunta na e ministerionan di gobierno, tur basa riba e documentacion di e presupuesto 2022 cu Gobierno a entrega na Parlamento di Aruba. Tur mi preguntanan a wordo contesta y esnan cu no a wordo contesta por escrito, a wordo contesta durante di e reunion publico di presupuesto 2022. E aña aki presupuesto 2023 a wordo entrega na Parlamento dia prome di September 2022. Nos a haya 3 siman pa lesa y studia e presupuesto aki, y for di e informacion ricibi, cu tabata mas di 250 pagina, mi a formula 92 pregunta.
Diadomingo 25 di september 2022 a tuma luga e prome Mercado di Santa Rosa pa aña 2022. E mercado aki ta uno masha popular pa hopi aña caba. Lastimamente cu desde aña 2020 no por a wordo organisa mas pa motibo di e COVID-19. Pandemia a siña nos tur e importancia di produci nos propio cuminda na Aruba.
Willemstad: Ya den transcurso di siman pasa, e rumornan tawata insistente cu BURNA BOY lo presenta na Curacao. E cantante nigeriano, Ganado di Grammy ta den top di su popularidad.
Sigur despues di su ultimo album titular”LOVE, DAMINI”. Damini Ebunoluwa Ogulu, BURNA BOY, a kaba di finalisa un tour sumamente exitoso na Estados Unidos. Despues di a tour ciudad nan manera Detroit, Atlanta, Minneapolis, Houston, Boston I mas den juli ultimo, e organisacion Sun Plash ta confirma presentacion di BURNA BOY cu su banda na Curacao.
E siman aki ta tumando luga e conferencia bi-anual Aruba Meets Europe (AME) organisa door di Aruba Tourism Authority (A.T.A.), Aruba Hotel and Tourism Association (AHATA) y Aruba Airport Authority (AAA).
ORANJESTAD – Diadomingo atardi, a presencia un multitud di hende, na e feria social informativo organisa pa Ministerio di Husticia y Asuntonan Social, cu a bini pa asina ricibi informacion for di diferente profesionalnan den e veld social, y alabes a disfruta di e monstertrucks, facepainting y sin lubida e tremendo presentacion di nos heroenan di cambio esta “Mi Mesun Heroe”, pues un evento exitoso. Banda di esaki, a firma tambe un acuerdo cu CEDE Aruba caminda Gobierno di Aruba a compromete pa e proximo cinco añanan, pa garantisa cu fondonan lo wordo aloca debidamente pa e proyecto di “veilige barios” pa asina trece mehoracion na nos centronan di bario pero tambe mehoracion den e calidad di bida di cada ciudadano.
ORANJESTAD – Durante fin di siman a tuma luga un acto importante pa Aruba. Gobierno di Aruba ta orguyoso di por a firma acuerdo cu CEDE Aruba pa traha riba e proyecto di ‘Veilige Barios’. Prome Minister Evelyn Wever – Croes Ta gradici Minister Rocco Tjon cu a bin cu e iniciativa y Ministernan Xiomara Maduro, Ursell Arends y Endy Croes pa a firma e acuerdo cu CEDE Aruba. Y danki na Centronan di Bario y demas stakeholders pa e colaboracion.
Respectivamente riba diabierna y diasabra ultimo a tuma lugar e conferencia y expo ‘Promove Salud y Bienestar 2022: hunto contra malesanan cronico’. A base di e plan di NCD (malesanan cronico) di Ministerio di Salud Publico y Turismo, ta e responsabilidad di Departamento di Salud Publico den colaboracion cu diferente otro departamento di salud, pa informa y educa nos comunidad. Di e forma aki brindando e informacion necesario y hermentnan pa prepara pa un cambio di comportacion positivo. Esaki ta strategianan pa preveni malesanan cronico manera malesanan cardiovascular, diabetes, cancer et cetera. Ta importante pa comunidad crea consciencia cu hunto nos tur mester traha na un bida liber di malesanan cronico.
