Gobierno

GOBIERNO DI ARUBA TA RECONOCE SR. ANGEL ROJER PIONERO DEN ARUBA SU TURISMO

Turismo ta pilar economico di Aruba, pesey riba “Dia Mundial di Turismo” e ta importante pa para keto y reflexiona riba diferente aspecto cu a tuma luga den transcurso di e añanan. Algo cu no por keda sin menciona ta e impacto enorme cu e crisis di Covid-19 tabatin riba nos turismo, cual Aruba ta recuperando di dje. Gobierno di Aruba ta haci uzo di e ocasion pa gradici cada persona cu a traves di nan curashi, animo y trabou duro, ta haci cu Aruba su turismo ta recuperando y creciendo.

Politica

Parlamentario Marco Berlis (MEP): Bahada continuo di bari di petroleo ta bon noticia pa nos pueblo.

Ta mi custumber pa informa pueblo tur siman riba e prijs di e bari di petroleo riba medionan social. Mi ta haci esaki pa informa y tambe pa pueblo por sa kico por ser spera ora ta anuncia e bahada of subida di esaki. Siman pasa e bari di petroleo tabata na $86.17, sinembargo riba Dialuna 26 di September esaki a baha pa $77.62! Esaki ta un bahada drastico di $8.55 pa bari! Esaki sigur ta un bon noticia y lo sigura cu otro luna lo sigui baha e prijs di gasolin, diesel y kerosin. Esaki lo traduci den bahada di inflacion, menos gasto pa pueblo y comerciantenan y mas placa den cartera di pueblo. Adicionalmente e reduccion de e prijs di petroleo por significa cu gastonan di produccion di productonan, transporte di carga y flete internacional lo por baha.

Gobierno

Minister Xiomara Maduro presente na evento Experience the Netherlands 2

Recientemente riba invitacion di e Embahador di Reino Hulandes na Colombia, sr. Ernst Noorman, Minister Xiomara Maduro tabata presente na e evento ‘Experience the Netherlands 2 na Colombia. Durante e evento aki companianan Hulandes a presenta nan producto y servicio na e comunidad mercantil di Colombia. Tabata interesante pa mira e toke di inovacion cu tur compania a trece dilanti. Minister Maduro a haci uso di e oportunidad pa combersa un rato cu varios compania di Colombia cu ya caba ta haci negoshi na Aruba. E mandatario a gradici nan pa e confiansa y a extende e invitacion pa mas compania explora e oportunidadnan cu ‘Aruba, La Isla Feliz del Reino Holandes’ ta ofrece pa haci negoshi.

Noticia

Oficina Central di Estadistica ta buscando encuestador part-time pa e Encuesta di Mucha y Hoben 2022!

E encuesta ta toca temanan manera por ehempel actividadnan di mucha y hoben den nan tempo liber (deporte, arte, trabou boluntario), participacion na scol, participacion riba mercado laboral, bista riba nan futuro, relacion cu mayornan, uso di celular, medionan social y gaming y posibel problema relata na esakinan, humamento/vaping, uso di alcohol y droga y salud mental. E temanan aki ta sumamente importante pa CBS por suministra informacion relevante, valioso y di calidad halto.

Noticia

Cuerpo Policial ta Informa

Diamars anochi pa 7:30 central di polis ta wordo notifica di un acidente basta fuerte riba Watty Vos Blvd . Ta trata di un accidente entre un auto BYD numera A-26625 y un brommer numera MFA-2682.
Na yegada di patruya ta pidi pa un ambulance cu maximo urgencia mirando e situacion di e chauffeur di e brommer.
Ambulance a yega na e sitio y a logra re-anima e chauffeur di e brommer y transporte cu maximo urgencia pa hospital.
Polis di trafico a presenta como tambe polis technico pa haci nan investigacion.
Pa 8:22 dr Darianani ta constata morto di , chauffeur di brommer , Angel Gabriel Senra Chara naci na Aruba 14 december 2002. ( 19 aña).

Cuerpo Policial ta manda palabra di condolencia na famia di e fayecido.

Gobierno Salud

Minister Xiomara Maduro a presencia emotivo ceremonia di bati bel na IMSAN

Siman pasa Minister Maduro a presencia hunto demas coleganan minister, parlamentario y demas profesionalnan den cuido medico, un ceremonia emotivo na IMSAN na unda sr. Richardson ta bati e bel como e di 500 pashent cu ta caba su terapia di radiologia exitoso. E acto di bati bel sigur ta brinda e speransa di bida y ta señal di gratitud na tur cu ta haci e tratamento aki posibel na Aruba. E mandatario ta expresa palabra di pabien sr. Richardson, dr. Rajnherc y tur e profesionalnan di IMSAN cu ta haci e tratamentonan aki posibel. Como tambe masha pabien y danki na colega Minister di Salud Publico sr. Dangui Oduber pa kere den IMSAN y traha duro pa logra e ampliacion di e instituto medico importante aki pa nos Pais cu nos pashentnan por ricibi nan terapia di radiologia na Aruba mes.

Politica

ing. Mike De Meza: Gabinete MEP-RAIZ ta un mediocracia

Tur e trabou cu Gabinete Mike Eman I y II a ehecuta, demas di tur otro trabou di preparacion haci pa continuacion, riba e ramo di energia berde lastimamente a wordo frusta, para y/of destrui principalmente na man di prome minister Evelyn Wever-Croes. Pueblo por mira con un structura di maneho responsable y transparente pa garantiza produccion y suministracion di energia ta wordo manipula y destrui pa e partidonan MEP y RAIZ den gobernacion. E unico conclusion cu por saca como motivacion aki ta cu tin un sid pa poder y hamber pa enrikesemento di Friends & Family.

Gobierno

Minister Endy Croes:
PROYECTO “VEILIGE BARIOS” TA UN REALIDAD.
Gabinete Wever – Croes II a aloca alrededor 2 miyon florin pa e proyecto.

ORANJESTAD: Durante Feria Social informativo organisa pa Ministerio di Asuntonan Social y Husticia, Gobierno di Aruba a firma acuerdo cu CEDE Aruba den cuadro di e proyecto “Veilige Barios”, unda cu a compromete pa e proximo cinco añanan lo aloca fondonan pa e proyecto. E proyecto di “Veilige Barios” tin como meta pa mehora nos centronan di bario como tambe mehora e calidad di bida di cada ciudadano.

Politica

Wendrick Cicilia : AVP The Common Good; un guia moral pa nos comunidad

Politica guia pa principio, ta un politica cu ta produci desaroyo, prosperidad colectivo y oportunidad pa tur cu tin ambicionan grandi. Politica tin e poder pa transforma sociedad. Den transcurso di epoca politica a divesifica internationalmente y no semper cu e consecuencia desea.  Principionan manera solidaridad, convivencia, equidad y responsabilida colectivo a wordo sacrifica pa crecemento economico desbalansa, bataya pa poder y mal uzo di poder pa beneficio personal. E sintoma di e politica deficiente aki tambe nos ta experiencia na Aruba. Ta momento pa politica na Aruba wordo guia pa e Bon Comun cu ta trece desaroyo positivo pa cada cuidadano, di tal forma cu tur cuidadano ta sinti cu su necesidad ta wordo siribi pa un politica cu ta pone causa colectivo prome cu interes personal. Aruba mester reconcilia bek cu e “BON COMUN” cu ta inspira cada actor principal den nos comunidad pa duna nan aporte na un causa comun nobo.