Gobierno Historia

Minister Maduro a ricibi e calender ‘Aruba, a journey down the Caribbean trade winds’ di e fotografo Arthur Puls

E siman aki Minister Maduro di Cultura a ricibi bishita di sra. Astrid Kelly y sr. Fransico Croes kende nan a trece e calender titula ‘Aruba, a journey down the Caribbean trade winds’ di e fotografo Arthur Puls. Durante estadia di sr. Arthur Puls y sra. Davinia Croes na Aruba, nan a tuma tempo pa saca potretnan unico di e paisahe di nos Pais y a compila esaki den un calendar pa aña 2023. Ta trata di 12 potret masha bunita di Aruba na Cueba di Canashito, Natural Brigde na Seroe Colorado, Eagle Beach, Mangel Halto, Arashi, Pos Chikito, Casibari, Isla di Oro, Westpunt, Kapel di Alto Vista y tambe potret di nos Shoco y Yuwana. Locual ta haci e calender unico ta cu cada potret tin un descripcion di e lugar na unda e ta saca, e dia, e fecha, e coordinado y ta contene detayenan di e lens di e camara cu a wordo uza pa captura e potret.

Deporte

MINISTER ENDY CROES HUNTO CU BIKING SQUAD ARUBA & IBISA A ANUNCIA E PROME “AWARNESS CYCLING RIDE”.

ORANJESTAD: Diabuebs mainta durante conferencia di Prensa di IBISA a anuncia cu dia 6 di november binidero Biking Squad Aruba ta organisa nan prome “Awareness Cycling Ride”. E idea pa e proyecto di conscientisacion “Awareness Cycling Ride” a nace door cu lamentablemente e ultimo tempo tin hopi accidente ta sosode cu ciclistanan riba caminda. Un otro problematica cu e ciclistanan topa ta cachonan los pafor di cura cu ta ataca y morde e ciclistanan causando daño tanto fiscamente como material.

Education Gobierno

MINISTER ENDY CROES A PRESENCIA APERTURA DI E PROME TECH LAB NA COLEGIO SAGRADO CURASON.

ORANJESTAD: Diahuebs anochi a tuma luga e gran apertura di Tech Lab na Colegio Sagrado Curason na Saveneta. E Tech Lab ta e prome proyecto piloto na un scol basico. Un espacio creativo ekipa cu tecnologia moderno den educacion pa stimula alumnonan pa siña mas di ciencia y tecnologia. A traves di e proyecto educativo aki e muchanan por siña tecnologianan y tendencianan nobo den educacion como tambe ta brindanan e oportunidad pa ta creativo y explora nan imaginacion. Minister Endy Croes a expresa cu innovacion ta brinda oportunidad na alumnonan pa ta creativo den nan propio talento. Manera agenda 2030 ta papia di e competencianan di siglo 21; di cual mester prepara nos studiantenan pa e trabounan di futuro, ta papia di creatividad, pensamento critico pa e studiante mes por resolve problema.  

Noticia

Guarda nos costa cu control riba boto:

Awe mainta Guarda nos costa a ehecuta un control riba un boto local ku e nomber ‘K-FISHING’ cu tawata biniendo rumbo pa Barcadera. For di investigacion a saka afor cu e boto a bai busca pisca pa cumpra serka un otro boto den awanan territorial di Venezuela. Abordo di e boto tawatin jugnan jena cu pisca y tambe piscanan poni abow den e boto den solo. Durante control personal di Wardacosta a ripara cu tawatin pisca abordo cu ta mustra daña. Mesora a pone instancia concerni na altura y esakinan a constata cu tawatin pisca cu no ta apto pa consumo. Abase di esaki a duna ordo pa destrui e piscanan. Wardacosta ta informa ku e lo keda cu controlnan riguroso riba botonan cu ta bai tuma mercancia pafor di awanan territorial di Aruba.

Economia Education Finansas Gobierno

Prome Minister Evelyn Wever – Croes: FORUM CU PRENSA RIBA TEMA DI LANDSPAKKET

ORANJESTAD- Diabierna mainta den sala di prensa di Gobierno di Aruba, a tuma luga un forum pa prensa riba e tema di Landspakket na unda a duna prensa oportunidad di haci pregunta na e profesionalnan cu ta encarga e Landspakket. Profesionalnan cu a duna informacion ta Derrick Werleman, Desiree Croes, Omaira Lares, Angeline Thiel, George Croes, Adrienne Fraser, Maria Pita, Arlene Schipper, John Hessen, Herman Fransen. Prome Minister Evelyn Wever-Croes, a duna inicio na e forum splicando mas di con Aruba a yega na e Landspakket.

Economia energia

ELMAR A HACI INVESTIGACION Y TA SPLICA Y BRINDA AREGLO DI PAGO

Oranjestad, Aruba (28 oktober 2022) – ELMAR a haci un investigacion di e proceduranan cu a wordo ehecuta pa cu e ultimo recibo di cobransa di luna di September, 2022. ELMAR ta consciente cu e prijs di coriente nobo tabata tin un impacto considerabel den nos comunidad. Manera ta conoci, pa motibo di aumento di prijs di energia na nivel internacional, e companianan di utilidad a haya nan mes obliga pa ahusta nan tarifa pa asina nan por sigui funciona pa sirbi nos comunidad y economia di Aruba. Riba peticion di Ministerio di Energia y Utilities, ELMAR a haci un revision di tur procedura y calculacion haci di e recibo di September, cual tabata e di cinco luna di September mas cayente den 143 aña cu ta midi temperatura na mundo.

Noticia

Cft: “Presidente Raymond Gradus ta baha entrante dia 1e di februari 2023”

Willemstad – Prof. dr. Raymond Gradus ta renuncia entrante dia 1e di februari 2023 como presidente di Colegio di supervision financiero di Corsou y Sint Maarten, Colegio di supervision financiero di Boneiro, Sint Eustatius y Saba y Colegio di supervision financiero di Aruba. Cu esaki su di dos termino ta finalisa un poco prome cu e fecha riba cual e mester a expira, esta dia 1e di juli 2023.

Noticia Politica

Parlamentario Marco Berlis (MEP) riba caso Avestruz: Puyitonan ta saliendo for di bao mesa

Dialuna october 24 e caso avestruz a continua den corte, den cual tin varios sospechoso hunto cu e sospechoso principal Benito Sevinger. Benito tin 5 acusacion serio contra di dje; 1)Falsificacion, 2)Estafa, 3)Labamento di Placa, 4)Abuso di funcion, y 5)Soborno. Riba e dia di dialuna a trata riba e caso Deshaun di Leoncita Arends. Banda di Benito tabata presente sr. Abath cu tabata director di DIP, Sra. Winterdaal y sr. Rojas.

Economia Politica

Parlamentario drs. Shailiny Tromp-Lee (MEP):
Gobierno a presenta su maneho di permiso modernisa

Manera ta conoci ta existi diferente rapport cu ta duna atencion na topico “ease of doing business” y tambe cu ta trata ampliamente e necesidad pa elemina e red tape cu ta obstaculisa iniciativanan di negoshi door cu gobierno tin un proceso burocratico, lento y inflexibel. Pesey mes Gobierno a bin ta traha riba un maneho di permiso modernisa y awor cu e Vestigingsbeleid 2022 a keda cla, a bin presenta esaki na Parlamento. Manera a keda accentua door di Minister Wever e maneho ta dirigi pa elemina red-tape, crea mas desaroyo economico, incentiva mas inversion, crea e cuponan di trabou necesario y asina por sigui menciona. Prinicipalmente e mehoransa aki mester traduci su mes, den mas negoshi y mas entrada pa caha di gobierno.

Gobierno

Xiomara Maduro colega di Evelyn Wever-Croes:EVELYN MESTER KEDA COMO LIDER DI MEP Y LIDER DI PAIS ARUBA

Diadomingo awo Partido Movimiento Electoral di Pueblo MEP ta organisa su Congreso di Partido na unda cu lo re-eligi su Lider pa e proximo 4 añanan. Nos Lider Evelyn Wever-Croes na cabes di MEP y como Minister President di Aruba a sa di guia nos Pais den e momentonan mas dificil di nos historia. Evelyn tabata tey pa MEP y pa Aruba na e momentonan cu mas nos Partido y Pais tabata tin mester di un Lider firme y humano. Como un colega di Evelyn den partido y den gobernacion, mi por bisa cu Evelyn tin tur cualidades necesario y ta e miho lider pa keda guia MEP y Aruba den e rumbo di recuperacion y progreso.