Prome Minister Mike Eman a reuni cu lider di GroenLinks-PvdA FransTimmermans na Hulanda pa impulsa cooperacion den Reino

Prome Minister di Aruba, Mr. Mike Eman, a reuni na Hulanda cu Lider di Fraccion den
Tweede Kamer y lider di partido politico GroenLinks-PvdA. Anticipando e papel vital di
Sr. Timmermans den e siguiente coalicion Hulandes, Prome Minister Eman a comparti
su vision y a presenta algun idea pa cual e Gobierno Hulandes lo tin un rol importante.
Compartiendo e vision di Gobierno di Aruba na un etapa tempran, ta duna e partido
politico e oportunidad pa refleha riba e propuesta y inclui esakinan den e discusionnan
ora e coalicion nobo ta forma. Relaciona cu e discusionnan actual riba Rijkswet, ta
importante pa tin un bentaha, pa ora e Gobierno ta forma, por logra un acuerdo “win-
win”.
Sr. Timmermans a trece hopi apertura y ta receptivo pa e idea y vision comparti pa
Prome Minister Eman. Segun Prome Minister, cada encuentro na Hulanda ta un simia
cu ta keda planta pa un cooperacion fuerte entre e partnernan den Reino Hulandes.
Sr. Timmermans tin hopi tempo trahando cu Premier Eman y ta impresiona cu su
creatividad pa trece cosnan nobo na benefecio di Aruba. Mas ainda, Timmermans ta
impresiona cu e plan nacional di reforestacion cu ta tumando luga, mirando cu como
pais dependiente di turismo, e exito di esaki ta depende no solamente riba
infrastructura, sino tambe di e recursonan natural, manera lama y naturalesa.
Pa Hulanda e ta importante pa por uza e exito di un plan asina y implementa esaki
cerca e otro partnernan den Reino. Den pasado Aruba a fungi como modelo na varios
ocasion caba. Un di manehonan aki tabata e transicion energetico, cu Aruba tabata
prome pa implementa y cu awe den region a bira e caminda cu tur gobierno ta
siguiendo.