131 Aruba un di e ultimo dies organisacionan pa gana Appeltje van Oranje 2025

Den luna di Maart e aña aki 348 organisacion den Reino Hulandes tawata den participacion pa e premio di Appeltje van Oranje 2025. Appeltje van Oranje ta un premio di e organisacion Oranje Fonds di Hulanda.

Oranje Fonds ta un organisacion cu ta promove envolvimento den sociedad. Oranje Fonds ta concentra den yuda hende topa otro den sociedad of haña un lugar nobo den sociedad. Oranje Fonds tin como meta pa promove cohesion social di un banda y participacion social di otro banda. Organisacionan social y comunitario ta hunga un rol importante den nos sociedad. Nan ta identifica problemanan, nan ta mira unda e necesidad di mas grandi ta y ta ofrece yudansa caminda e ta mas necesario. 

Tur aña Oranje Fonds ta duna un Appeltjes van Oranje na tres proyecto social di Hulanda y/of Caribe Hulandes. Proyectonan/ organisacionan cu ta compromete na un sociedad den cual niun hende no ta para su so. Cada aña un tema diferente ta den spotlight. E tema di e aña aki ta: Onmisbare schakels  – de kracht van sociale initiatieven ( linknan indispensabel – e poder di iniciativanan social). 

Di e 348 organisacionan, Oranje Fonds a scoge  50 pa bay den un ronda di votacion di 19 di mei pa 28 di mei ultimo. Tur persona den Reino Hulandes por a vota pa un di e 50 organisacionan, pa asina un haya un puesto den e ultimo dieznan. E otro 49 organisacionan cu no a haya e cantidad di voto pa pasa directamente pa final, mester a presenta e importancia di existencia di nan organisacion dilanti un grupo di hurado durante un pitch. Esaki a tuma lugar ariba 13 di juni ultimo na Curacao. 

Despues di un pitch impactante, e sala a keda impresiona cu e tarabao di 131 Aruba. 131 Aruba a resulta di ta e organisacion di Aruba y un di e dos organisacionan di Reino Hulandes region di Caribe pa  ta den e ultimo dies organisacionan participando pa e premio Appeltje van Oranje 2025. 

Ariba 9 di october e aña aki durante un evento na Paleis Noordeinde lo bira conoci cua ta e tres organisacionan đen Reino Hulandes cu lo gana e Appeltje van Oranje 2025, y si 131 Aruba lo ta un di esakinan. E premio di Appeltje van Oranje 2025 lo ser entrega for di e manan di Reina Maxima. 

Pa mas informacion tocante e importancia di e trabao di 131 Aruba por tuma contacto via nos website: 131.aw, Instagram: 131aruba, facebook: https://www.facebook.com/aruba.131, email: 131aruba@gmail.com of telefon 5886138/ 5884011.