LANSAMENTO OFICIAL DI CANCION NOBO “KI BO TA KERE”

Compone pa Chucho Hoek/Produci pa Nigel “Suhcy” Hoek/Canta pa Sashah

ORANJESTAD, ARUBA, September, 2023 — E dia tan espera, Dialuna 4 di September,  a yega porfin, pa e lansamento oficial riba tur plataforma di transmision y media social. Despues di tanto espera, finalmente e gran dia a yega, di e lansamento oficial di e ya-caba-popular cancion di mas nobo “KI BO TA KERE“,  presenta pa e artista Arubano SASHAH.

E cancion ta un composicion di Chucho Hoek 

(den feliz memoria, compositor di mayoria di e exitonan di Sashah, tanto na Aruba, Boneiro, Corsou y Hulanda, manera; Ay esta dushi, Mi rehen, Maske ta un biaha, Primi mi, Invadi mi, Trata mi bon y Ta ‘bo so por)  y hunto cu su yiu Nigel “SUHCY” Hoek, nan a forma e cancion KI BO TA KERE. Ademas di a compone e cancion, Chucho tambe a graba e parti di guitara y baho.

KI BO TA KERE, ta un produccion di e super talentoso musico, areglista Nigel “SUHCY” Hoek, cu a zorg pa e parti di stem, grabacion, mescla, editamento y mastering

Desde Dialuna, 4 di September 2023 en adelante, lo tin e oportunidad pa cada persona na mundo henter,  disfruta di e tema KI BO TA KERE, na cualkier momento di dia.

E cancion ta obtenibel riba tur plataforma social y plataforma di transmision, incluyendo esunan mas popular, djis pa menciona algun cu ta Spotify, Deezer, Tidal, iHeart Radio, Pandora y Youtube Music. Riba Apple Music y Amazon Music, tambe e lo ta obtenibel.