Campaña di Luna di prevencion di abuso di mucha.

>Internacionalmente luna di April ta luna di prevencion y conicentizacion di tur tipo di abuso di mucha inclui abuso sexual. En coneccion cu esaki Fundacion Mi Voz Ta Bo Voz tin un campaña cu a start dia 3 di April 2023 y lo termina dia 9 di April 2023 cual ta pa bisti na blauw. Sera bo grupo di trabao of famia, Docente nan na skol, muchanan na skol, saca bo selfie y manda esaki na 5629820, post esaki ariba Facebook y hashtag MIVOZTABOVOZ. Nos lo bay tin diferente premio pa e selfie/potret di mas creativo. 

Ban uza e luna aki pa pone mas atencion ariba e tematica delicado aki cu ta perhudica nos muchanan y nos comunidad henter.

Educacion y concientizacion ta sumamente importante pa asina nos por preveni abuso di mucha. E ta tuma un comunidad den su totalidad pa ta parti di prevencion, sa cu bo por tuma accion door di pone atencion y scucha na momento cu bo wordo aserca como persona di confianza. Kere bo yiu, sostene den e momento nan dificil cu e ta pasando aden, abuso ta causa un trauma pa bida largo, cu bo sosten esaki por ta menos y/of diferente.

Pa conseho y of guia por contact Fundacion Mi Voz Ta Bo Voz libremente na 5629820.<