Bishita di Minister Dijkgraaf na Saba, Sint Eustatius y Sint Maarten
Minister Robbert Dijkgraaf (Enseñansa, Cultura, y Ciencia) ta bishita Saba, Sint Eustatius y Sint Maarten di 3 te cu 5 di april. E bishita ta caracterisa pa e Consulta Ministerial di Cuater Pais Enseñansa, Cultura y Ciencia y e conmemoracion di e pasado di sclavitud. Minister Dijkgraaf ta e minister coordinador di e Aña Conmemorativo di Historia di Sclavitud.
Aki bou ta sigui un bista general di e bishitanan y combersacionnan cu e minister lo tene cu diferente partido na e islanan.
Saba
Na Saba Gezaghebber Jonathan Johnson lo ricibi minister Dijkgraaf. Despues lo e drenta den combersacion cu e Colegio Ehecutivo y e Conseho Insular. E topiconan principal na ordo durante e bishita ta Enseñansa, Historia di Sclavitud y e transicion pa studiantenan cu ta sigui un estudio superior. Pa clausura su bishita e minister lo bishita Saba Heritage Center.
Sint Eustatius
Na Sint Eustatius minister Dijkgraaf ta papia cu e Colegio Ehecutivo y Conseho Insular. Despues Minister Dijkgraaf lo bishita scol Gwendolyn van Putten. Den e oranan di atardi e minister lo bishita e Planetarium, sigui pa un Recorido di Oranjestad, Plantashon Godett y Fort Amsterdam pa haya mas conocemento den su papel como minister coordinador pa e Aña Konmemorativo di e Historia di Sclavitud.
Sint Maarten
Na Sint Maarten durante di su bishita e minister lo tin un combersacion cu e Gobernador di Sint Maarten, sigui pa un bishita na e minister di Education, Culture, Youth & Sports (Edukashon, Kultura, Hubentut i Deporte) sr. Rodolphe E. Samuel. Despues di esaki Minister Dijkgraaf lo bishita Universidad di Sint Maarten y NIPA como clausura di su bishita na e isla.