Hulanda cla pa duna sosten na parti Caribense di Reino durante desaster

Si un desaster nobo presenta su mes den e parti Caribense di Reino, Hulanda lo ta prepara. Esaki ta e conclucion di e revicion di maneho Reconstruccion Islariba.

E investigacion aki di e eficiencia y eficacia di e ayudo di emergencia despues di e horcannan Irma y Maria tabata un encargo di e Gabinete y ta trata e periodo di 2017 pa 2021. Pa motibo di e impacto di e horcannan den e parti aki di Reino, e Gabinete kier a siña con pa atende miho cu ayudo di emergencia y reconstruccion na e islanan den Caribe.

Na september 2017 e horcannan Irma y Maria a dal Islariba Sint Maarten, Saba y Sint Eustatius duro. Hulanda a brinda e prome ayudo di emergencia pa medio di e ministerio di Asuntonan Interior y Relacionnan den Reino. E investigadonan ta constata cu e ministerio di BZK a presta relativamente bon. Esaki apesar di e tempo pa prepara y experencia limita pa guia y coordina un crisis di e magnitud aki. Asina por ehemplo e camindanan grandi, e aeropuerto y haf na Sint Maarten tabata funcional rapido. E ayudo di emergencia na Saba y Sint Eustatius tabata exitoso y e reconstruccion a cuminsa cu rapidez. E reconstruccion na Sint Maarten ta sigui y investigadonan ta positivo over di e curso di e proyectonan grandi di infrastructura cu ta cai bou di e fondo di reconstruccion di Sint Maarten.

Toch tin espacio pa mehoracion. E investigadonan ta recomenda pa pensa bon adelanta over di e magnitud di e sosten necesario di Hulanda. Peticionnan pa yudansa di e islanan mester keda formula mas cla. Otro recomendacionnan ta trata e yudansa na e islanan durante preparacion pa un situacion di emergencia, desaroyo di plannan pa yudansa di emergencia y reconstruccion y drecha e documentacion interno over di ayudo di emergencia cu a keda ofrece. Tambe e investigadonan ta mustra riba e importancia di mas y miho comunicacion cu e parti Caribense di Reino.

Pa mehora e reaccion di Hulanda despues di desasternan den futuro, despues di e fase di yudansa di emergencia, a base di evaluacion a implementa cambio na BZK. A bini cu un team di crisis por ehemplo y hunto cu e ministerio di Husticia y Seguridad a traha un manual pa maneho di crisis pa e parti Caribense di Reino. Tambe ta traha riba un plan cu mester duna miho bista riba entre otro e metanan, e impacto y resultado di ayudo di emergencia.

E reconstruccion a termina na Saba y Sint Eustatius. Na Sint Maarten esaki ta continua. Na juni 2022 a extende e fondo pa reconstruccion di Sint Maarten te fin di 2028, locual ta considera algo positivo den e revicion di maneho. Pa esaki tin suficiente tempo pa termina e proyektonan di reconstruccion. Tambe Hulanda ta yuda Sint Maarten pa prepara pa futuro desaster. Dor di pone conosemento y experticio na disposicion y mehora y sostene e colaboracion cu e Wereldbank.

E gabinete ta haci tur esfuerso pa implementa tur recomendacion y mehoracion prome cu comienso di e temporada di horcan nobo na juni 2023.