Category: Gobierno

Den lineanan grandi Minister Xiomara Maduro ta splica riba e trabaonan cu a wordo realiza den e prome aña di gobernacion Gabinete Wever-Croes II. COVID19 a afecta nos finansa publico grandemente y den e prome aña di gobernacion nos a dedica pa reduci e deficit cu e pandemia aki a trece cune pa Aruba. E deficit di 1028 miyon florin ta wordo reduci grandemente den apenas 3 aña di tempo. Tur esfuerso ta dirigi pa Aruba por conoce atrobe un surplus.

Na ocasion di bishita di Minister Maduro di Cultura na e atalier di e artista Arubiano Gilbert Senchi na Bogota, sra. Miriam Dabian directora di ATA pa Latino America tabata presente y a percura pa prensa na Colombia tambe wordo poni na altura di e trabou nan cu ta wordo haci pa integra mas arte publico na ‘La isla Feliz de Aruba.’

Desde comienso di aviacion na mundo, hende muhe tabata involucra den desaroyo di avion, helicopter y tambe biahenan espacial. Hende muhe den aviacion ta un causa cu ya for di aña 1907 ta den desaroyo. Y aunke cu tabata tin restriccionnan unda nan solamente tabata permiti pa fungi den un rol di apoyo den e industria, p.e. stewardess (flight attendant), esaki no a stop pa persigui careranan den e sector di aviacion.

ORANJESTAD – Prome Minister Evelyn Wever – Croes a participa na un panel cu entre otro Malala Yousafzai riba e topico: “Call to action to advance gender equality and girls and women’s empowerment in and through education”, den cual a trata e tema tambe “leaving no one behind”. Prome Minister a trece dilanti tur locual cu Aruba ta haciendo riba e tereno di igualdad di genero y inclusividad.

Minister Endy Croes a enfatisa pa tur hende corda e ta keda un deporte, na final di dia ta un disciplina e ta, gana of perde keda cu e amistad. Deporte ta e vehiculo crea amistad. E mandatario a sigui bisa cu nos stimula y motiva cada atleta pa practica deporte awe nos ta na MMA, mañan porta na baseball softball, futbol sigur inspira cada atleta pa practica un deporte. E vehiculo di deporte ta percura pe bira un miho persona na sociedad. E dignatario a expresa cu e tabatin e honor pa entrega certificado renoconoci pa WKA na diferente referee.

Como Minister di Asuntonan Economico, Comunicacion y Desaroyo Sostenibel, mi ta kere firmemente den e importancia di “thinking outside the box” y na mesun momento mi ta balora trabounan cu nos professionals a bin ta haci caba.

ORANJESTAD – Den cuadro di e anochi informativo cu a tuma luga pa cu Ley Kinderopvang, sra. Sue-Ann Ras a indica cu un di e retonan di mas grandi den henter e trayecto di implementacion di Ley Kinderopvang, ta e aspecto di supervision y ehecucion (toezicht en handhaving). Un manual di regulacion sin supervision y ehecucion lo no ta efectivo, mirando cu mester tin un control coordina y centralisa, pa asina por garantisa un miho aun calidad di e centronan. Durante e anochi aki a elabora tambe, riba con e supervision y ehecucion den e Centronan di Cuido di Mucha lo ta y si tur cos sigui manera ta plania, ta cuminsa e aña aki caba.