Prome Minister Evelyn Wever-Croes: GOBIERNO TA DE-ESCALA E FASE DI CRISIS Y TA BAY DEN FASE DI REHABILITACION

Durante Conferencia di Prensa di Gobierno di Aruba dialuna mainta, Prome Minister Evelyn Wever-Croes a anuncia cu dialuna, 12 di September, 2022, ta de-escala e fase di crisis y ta bay den fase di rehabilitacion cu lo dura te cu 31 di december di e aña aki. Esaki kiermeen, Prome Minister a indica, cu no ta bay traha mas cu e landsbesluit, e decreto, ni e ‘ministeriele regelingen’ basa riba e ley di calamidad. “Nos ta trek in e landsbesluit desde awe, 12 di September, 2022 den cual a decreta Covid como un crisis.

Minister Dangui Oduber: MINISTER ODUBER A BISHITA THE HOGG FOUNDATION FOR MENTAL HEALTH

AUSTIN – Diahuebs atardi Minister Oduber a bishita The Hogg Foundation For Mentao Health hunto cu su Mahestad Reina Maxima y minister Ernst Johan Kuipers cu ta e minister di Volksgezondheid, Welzijn en Sport (VWS) di Hulanda. The Hogg Foundation a wordo estableci na University of Texas na Austin den aña 1940. E fundacion su vision ta pa sostene y promove salud mental y e bienestar. E mision di e fundacion ta pa transforma e manera con comunidadnan ta promove e salud mental tur dia. Nan ta pensa cu promocion di salud mental no mester keda solamente na clinicanan.

Minister Dangui Oduber: PRESENTE NA CONFERENCIA DI SALUD NA AUSTIN

AUSTIN – Diahuebs, 8 september, parti mainta Minister Oduber tabata presente na e estado di Austin na unda e la wordo invita pa participa na un conferencia di salud conhuntamente cu minister Ernst Johan Kuipers cu ta e minister di Volksgezondheid, Welzijn en Sport (VWS) di Hulanda. E conferencia di salud ta organisa en conhunto cu Austin Healthcare Council, cu ta un organisacion non-profit cu a wordo funda door di e lidernan di e industria di salud cu ta traha hunto cu un solo meta, pa establece Austin su posicion global como e centro di innovacion pa salud. E meta principal di e conferencia aki ta pa fortalece cooperacion riba tereno di salud y tambe pa trese mas innovacion den e sector di salud publico por medio di tecnologianan avansa.

MINISTER ENDY CROES A RICIBI 2 BUKI DI RECTOR DI UNIVERSIDAD DI ARUBA VIOLA HEUTGER Y ERIC NIELS MIJTS.

ORANJESTAD: Recientemente mandatario di Enseñansa a ricibi bishita di Rector di Universidad di Aruba Profesor Viola Heutger hunto cu Eric Niels Mijts. Sr. Mijts tin dos Master uno den Governance and Leadership y un Master den Science in Sustainability for Eneneering at SISSTEM y hunto nan a entrega dos buki na Minister di Enseñansa y Deporte. E prome buki di “UAUCU” (University Aruba y University College Utrecht) esta e Student Research Exchange Papers 2022 cual ta e di 7 edicion. Un total di 17 studiante di cual 6 ta di Universidad di Aruba y 11 di Universidad di Utrecht, Hulanda como parti di e ‘exchange program’.

This will close in 0 seconds

This will close in 0 seconds