Education Gobierno

MINISTER ENDY CROES A RICIBI 2 BUKI DI RECTOR DI UNIVERSIDAD DI ARUBA VIOLA HEUTGER Y ERIC NIELS MIJTS.

ORANJESTAD: Recientemente mandatario di Enseñansa a ricibi bishita di Rector di Universidad di Aruba Profesor Viola Heutger hunto cu Eric Niels Mijts. Sr. Mijts tin dos Master uno den Governance and Leadership y un Master den Science in Sustainability for Eneneering at SISSTEM y hunto nan a entrega dos buki na Minister di Enseñansa y Deporte. E prome buki di “UAUCU” (University Aruba y University College Utrecht) esta e Student Research Exchange Papers 2022 cual ta e di 7 edicion. Un total di 17 studiante di cual 6 ta di Universidad di Aruba y 11 di Universidad di Utrecht, Hulanda como parti di e ‘exchange program’.

Gobierno

MINISTER ENDY CROES A REUNI CU UNHCR, HIAS Y IOM RIBA DIFERENTE TOPICONAN INTERESANTE NA BIENESTAR DI ENSEÑANSA.

ORANJESTAD: Diahuebs mainta Minister Endy Croes tabatin un reunion interesante cu UNHCR, HIAS y IOM. E reunion tabata riba peticion di NGOnan pa atende cu algun topico relaciona cu muchanan migrante residencia na Aruba, kendenan ta forma parti activo den nos enseñansa. Meta di e reunion tambe ta p’e NGOnan informa Gobierno y e mandatario di Enseñansa y Deporte encuanto di e diferente asistencia / ayudo cu nan ta ofrece tanto na famianan migrante cu mucha y cu ta conta tambe pa famianan local cu tin mester di apoyo. Presente durante e mainta informativo tabata sra. Hezaker Goze Ozdemir, Protection Officer / Head of Office di UNHCR Aruba & Curaçao, sr. Brandon Arends, Project Coordinator di HIAS y sra. Adailyn Gonzalez, Legal Advisor di IOM.

comercio

Aruba Bank ta hiba un cliente New York!

Oranjestad –9 september 2022 – Durante di lunanan di juli y augustus 2022, Aruba Bank tabata tin su campaña di “Start Spreading the News” pa tur su cliente di Aruba Bank cu tin un tarheta di credito, Mastercard of Visa, caminda cu por a participa, automaticamente pa gana un biahe pa dos (2) persona, ida y vuelta, cu gastonan paga, pa New York.  

Politica

Partido MEP: AVP A PONE TER BESCHIKKING DI NAN GOBIERNO HENDENAN CU A HAYA TUR SORTO DI TOELAGE SIN CU NAN MESTER A PRESENTA NA TRABOU

Durante e tratamento di e caso penal mas bergonsoso cu nos pais a conoce, caso Avestruz na unda cu Parlamentario Benny Sevinger ta e principal sospecho, a bin dilanti cierto berdadnan cu nos mester para keto un rato pa comprende con e makinaira corupto di partido AVP a traha durante 8 aña di gobernacion cu a hiba nos pais casi den bancarota.

Gobierno Labor

Duaneronan a cumpli 30 aña di servicio

ORANJESTAD- Management, Staf y Departamento di Aduana Aruba ta felicita un grupo di colega cu a cumpli 30 aña den servicio diahuebs ultimo 1 di september 2022. Den presencia di Minister di Finansa, sra. Xiomara Maduro, Director di Aduana, sr. Roderick Croes, Chefnan di seccion, Management Team y invitadonan, a haci entrega di nan decreto gubernamental y un regalo pa nan 30 aña di servicio.

Deporte

Campeonato 2022-2023 di AVB dedica na 4 baluarte.

Pero Sr. Jerry ta mas conoci como referee y pa sigur mas cu 25 aña a forma parti di e cuerpo arbitro di AVB. Na edad di 18 aña, Sr. Fan Dijkhoff (i.f.m.) a serca Sr. Jerry y puntre si e ta interesa pa bira referee. Como referee hopi jong, mester menciona cu tabata guia door di 4 refereenan cu hopi experiencia, Sr. Fan Dijkhoff (i.f.m.), Sr. Nito Rosel (i.f.m.), Sr. David Cruz (i.f.m.) y tambe Sr. Porois Tromp.