Politica

Parlamentario Marco Berlis (MEP): Vision cu ta haci pueblo esclavo di megadebe te cu 2044 no ta vision!

Den e reunion publico di Diahuebs tratando e presupuesto di DOW, Mike Eman manera semper no tabata tin ningun pregunta pa gobierno, no a dirigi su disertacion riba e tema trata y ta keda mustra cu e no tin ningun otro vision cu bolbe endeuda nos pais, si e haya e chens di goberna un biaha mas. Mike Eman den su disertacion tabata gabando cuanto asfalt, klinker, brug y MFAnan el a traha, y keda sin traha na San Nicolaas paso placa, pero cu a hinca pais Aruba inmediatamente den pobresa. Un debe cu pueblo lo mester paga cu orguyo te cu 2044 y cu 7.5 gobierno lo mester trata na goberna cu ne.

Gobierno

MINISTER ENDY CROES TA FELICTA E ATLETANAN Y ORGANISADO DI BEST VS BEST BMX RACE 2022.

ORANJESTAD: Recientemente Minister Endy Croes a pasa Parke Yaburibari pa duna sosten y apoyo na atletnan hoben cu a participa den competencia Best vs the Best BMX Race 2022.  Mas di 30 atleta a participa den e diferente caterogianan: Novice, Expert, Open Class y Striders. E ekiponan; Rough Riders, Speedworx, Street Wise y Crash Test Dummies a duna un tremendo prestacion den e BMX Race 2022. Minister Endy Croes ta felicita e organisadonan pa organisa un tremendo competencia pa nos hobennan. Alabes ta felicta e atletanan cu a participa pa haci e competencia uno exitoso. Cu e deseo, disciplina, dedicacion y determinacion bo ta logra tur bo metanan den deporte Masha pabien na e ganadonan!

Noticia

Director di Hospital cu audiencia na Gobernador di Aruba

Parti di e funcionamento (actividadnan di trabou) di un Hunta di Directiva ta reuni regularmente cu alto dignatarionan y stakeholdernan importante. Ta esencial pa informa otro di asuntonan cu ta andando, pa ‘brainstorm’ riba opcionnan y tambe futuro. Horacio Oduber Hospital tin un impacto social di sumo importancia pa e comunidad di Aruba, turistanan y tambe e indocumentadonan. E importancia pa tin un hospital cu ta operaciona mane debe ser, ta financieramente saludabel, amabel y calitativamente fuerte ta esencial pa e salud publico y e continuacion di turismo cual ta e pilar economico.

Gobierno

MINISTER DANGUI ODUBER A RICIBI BISHITA DI THE CARRIBEAN MED LABS

ORANJESTAD – Diaranson mainta Minister di Turismo y Salud Publico sr. Dangui Oduber a ricibi bishita di The Carribean Med Labs Foundation. E fundacion aki ta un non-governmental organization, estableci na Trinidad and Tobago. Nan ta traha pa construi y sostene servicio laboratorio di e calidadnan di mas halto atraves di un mecanismo independiente auto suficiente.
Den e reunion aki Carribean Medlabs a informa e mandatario riba e resultado di e 2 dianan di bishita cu a tuma lugar aki na Aruba, caminda nan a bishita diferente laboratorionan.

Gobierno

MINISTER ENDY CROES TA DESEA PARLAMENTO DI ARUBA HOPI EXITO Y SABIDURIA DEN AÑA PARLAMENTARIO 2022 – 2023.

ORANJESTAD:  E di dos diamars di luna di september segun nos Staatsregeling ta prescribi nos tabatin un reunion solemne den e organo mas importante di nos pais, unda cu nos a celebra y inaugura e aña Parlamentario nobo 2022 – 2023. Na e ocasion aki tur Minister, Parlamentarionan, invitadonan di nos Hoge Colleges van Staat y diferente departamentonan vital di Aruba tabata presente. Tambe a conta cu presencia di ex gobernadornan sr. Koolman y sr. Refunjol y sr. Marlon Werleman ex presidente di Parlamento. Durante e ceremonia di apertura Gobernador di Aruba, sr. Alfono Boekhoudt a hiba su discurso inaugural elocuente unda cu a accentua e maneho di Gobierno pa aña 2023

Gobierno

Prome Minister Evelyn Wever – Croes: LO TRECE AYO ROCK FORMATION BEK DEN SU GLORIA ORIGINAL

Gobierno di Aruba ya pa algun tempo, a tuma e decision pa reestablece e Sero di Ayo, Ayo Rock Formation na su gloria original. Un area cu tin hopi caracteristica positivo. Nos conoce e area aki pa e Barancanan di Ayo. Pero tambe e tin e historia hopi interesante di e tempo di e indjannan. Antes, e area specifico aki tawata un Hardin Botanico teniendo un tera hopi fertil rond di e Sero di Ayo.

Gobierno

MINISTER ENDY CROES TA FELICITA DRS. SAMUEL DUMFRIES CU A CUMPLI 30 AÑA DEN SERVICIO DI GOBIERNO.

ORANJESTAD: Siman pasa den un esfera ameno Minister Endy Croes a ricibi bishita di Drs. Samuel Dumfries kende a cumpli 30 aña den servicio di Gobierno di Aruba dia 1 di juni 2022.Despues cu sr. Dumfries a gradua na Universidad di Amsterdam como Biologo Ambiental (Aquatische Ecotoxicologie) y Kinesthesie (Houding en Beweginsleer- Medisch Biologie). Sr. Dumfries a cuminsa traha den enseñansa na aña 1990 como docente di Biologia (1e graad) na diferente scol e.o. Abraham de Veer School, IPA y a traha dies aña na Colegio Arubano specialmente den examenklasnan HAVO y VWO, como tambe na Examenbureau y Cirriculum Ontwikkeling di  Departamento di Enseñansa (DEA).