ANUNCIO DI PRENSA
Diahuebs, 13 di october, 2022—Awe mainta nos a constata, cu algun cliente a descubri cobransa “no autorisa” ariba nan tarheta di debito. E incidente ta wordo investiga y ta den … Read More
Directiva STA y gerencia “AAA NV” a reuni.
Awe STA y gerencia di “AAA NV” a reuni pa promer biaha riba e concepto di e CAO nobo.STA promer cu tur cos a haci un apelacion ariba gerencia pa duna un splicacion extenso riba e structura salarial nobo y tambe e sistema di evaluacion (beoordeling) cu lo bay wordo aplica pa cu esaki.AAA lo duna esaki den e siguiente reunion cual lo tuma lugar dia 19 di October venidero.Awe a atende e parti financiero caminda STA por a argumenta riba tur e puntonan cu lo mester conoce cambio y mester bisa cu gerencia tawata hopi receptivo y a tuma nota di tur nos argumento nan t STA a keda cu un sentimento positivo pa locual ta e parti aki.E reunion a bay den bon ambiente y nos ta spera cu e henter e negociacion sigi asina.Directiva di STA ta convenci cu e CAO nobo lo bay trece un adelanto considerabel pa e empleadonan y e compania den su totalidad.Directiva di STA ta gradeci tur su miembronan pricipalmente pa nan sosten na e sindicato y mester bisa cu den e ultimo lunanan esaki a crece mas ainda locual ta demostra nan gerencia tambe cu e deseonan den e concepto ta goza di un sosten mayoritario absoluto.Directiva di STA lo sigi comunica y tene tur hende na altura di e desaroyonan pa cu negociación.
Minister Dangui Oduber: DI BISHITA NA BRICKELL BAY BEACH CLUB & SPA
ORANJESTAD – Diaranson mainta Minister di Turismo y Salud Publico, Sr. Dangui Oduber, a bishita Brickell Bay Beach Club & Spa. Minister a ser encontra pa e doño nobo di e hotel sr. Sr Visser, hunto cu e Gerente General sr. Juan Keyter y tambe sra. Marvel Vilchez cu ta e Sales & Marketing Director, kende a splica over di e plan cu Brickell Bay tin pa futuro di e hotel aki. Na e momentonan aki a cuminsa cu renobacion di tur e cambernan. Nan lo renoba tambe e lobby area y e pool area den e siguiente lunanan pa asina por ofrece turista un mihor servicio y calidad moderno.
Prome Minister Evelyn Wever-Croes:Comision cu ta encarga cu e tema di frontera cu Venezuela TA CONSEHA GOBIERNO PA NO HABRI FRONTERA MIENTRAS AINDA TA NA MESA DI DELIBERACION
Prome Minsiter a indica cu comision a duna Gobierno e conseho pa mantene e frontera cera principalemente pasobra ainda ta na mesa di deliberacion y tambe pa motibo di e riesgonan cu tin. Gobierno ta haci esaki a traves di un Landsbesluit cu ta saca cada tres luna of menos. E ultimo conseho tabata pa prolonga ciera pa tres luna te na fin di aña. Pero si keda cla cu palabracionnan prome, por haci cambio y habri frontera.
Minister Rocco Tjon: INVESTIGADONAN ACADEMICO DI IPA Y VRIJE UNIVERSITEIT AMSTERDAM LO BAY EHECUTA E INVESTIGACION
ORANJESTAD – Recientemente, minister di Husticia y Asuntonan Social Sr. Rocco Tjon a reuni cu e investigadonan academico di IPA y Vrije Universiteit Amsterdam, kende ta e investigadonan cu ta bay ehecuta e investigacion “quality of life of the Aruban youth”. Ministerio di Husticia y Asuntonan Social ta kere den “evidence based policy”, y a base di e informacion cu ta bay wordo colecta di e investigacion aki, lo bay traha un plan di maneho multianual pa cu esaki.
Prome Minister Evelyn Wever-Croes:PROME MINISTER Y MINISTER DI HUSTICIA A INFORMA PARLAMENTO RIBA E TEMATICA DI FRONTERA CU VENEZUELA
Diaranson mainta, durante reunion publico den Parlamento, Prome Minister Evelyn Wever-Croes y Minister di Husticia, señor Rocco Tjon, a duna splicacion amplio riba e tematica di frontera cu Venezuela. Prome Minister a enfatisa cu esaki ta un tema dificil y delicado y a remarca cu Gobierno di Aruba ta na mesa cu autoridadnan di Venezuela pa yega na bon palabracion riba un apertura di e frontera sigur y responsabel.
MINISTER ENDY CROES Y MINISTER GLENBERT CROES A REUNI RIBA PLATAFORMA ENSEÑANSA Y LABOR (PEL)
ORANJESTAD-Recientemente Minister Endy Croes y Minister Glenbert Croes a reuni hunto cu sra Sabine de Groot di departamento di Labor y sra Sheila Maduro di maneho di enseñansa y director suplente di ‘Directie Onderwijs’ Aruba, punto di reunion riba continuacion y trabounan cu tin cu wordo haci e.o. e ‘doorlichting’ rapport di onderwijs, na unda cu un di e aspecto nan ta e PEL cu ta Plataforma Enseñansa y Labor, aki tin un nota skirbi y den cuadro di esaki, awor ta coordinando e maneho cu Enseñansa y Labor con ta sigi padilanti, kicko tur ta e necesidadnan di e mercado laboral y ki typo di trabounan mester y na su turno departamento di Enseñansa su maneho mester bai prepara tur locual cu departamento di labor ta exigi.
AHATA: “PLAN DI IMPUESTO 2023” TA UN FUNDRAISER DI GOBIERNO
ORANJESTAD, Aruba – 12 October 2022: Aruba Hotel & Tourism Association a revisa gobierno di Aruba su plan di impuesto 2023 y ta sumamente preocupa pa e efectonan negativo cu esaki por trece pa pais Aruba. Segun Presidente y CEO di AHATA, Sra. Tisa LaSorte, e plan ta un “fundraiser mandatorio” cu ta recauda mas fondo di tur esnan cu ya ta cumpli cu impuesto. Aunke cu e anuncio di gobierno falta hopi detaye y no ta duna bista completo riba su efecto, AHATA ta desea di splica e preocupacionnan di mas grandi relaciona cu e informacion disponibel:
Minister Endy Croes: A RICIBI UN BUNITA PRESENTACION DI E PROYECTO DEPORTIVO DI SV BUBALI
ORANJESTAD: Recientemente Minister di Ensenansa y Deporte a reuni cu directiva di SV Bubali, cu a haci un bon presentacion amplio di nan proyecto Deportivo. Presente na e reunion aki sr Gisberto Figaroa, Presidente, sr Nicolas Quandus, secretario,sr Ryan Figaroa secundo secretario di SV Bubali. Nan a haci un presentacion di powerpoint riba nan proyecto cu pa hopi tempo tin den pipeline.Nan a ilustra cu riba nan propio forsa y sosten di Superfood a logra pone nan lusnan a agerga cu tabata un reto pa nan pero a logra e parti aki.Nan ambicion awor ta pa desaroya ful e compleho deportivo aki, cu cancha di football, cancha di tennis, cancha di beach tennis banda pabou, veld di baseball pero nan concentracion awor aki ta riba e veld di futbol cu nan mester bai lanta 35 meter lanta for di sub suela, pa motibo cu tin problematica di awa y cu e vision cu esaki lo ricibi su yerbe artificial.
Minister Rocco Tjon: REAPERTURA DI FRONTERA CU VENEZUELA MESTER BAY DEN FASE
Minister Tjon a indica cu Gobierno di Aruba tin e deber y e responsabilidad di mira e situacion di cada angulo y tene diferente aspecto den consideracion. Entre otro e deber ta pa tene cuenta cu aspectonan di salubridad publico, aspectonan di siguridad di cada ciudadano, aspectonan di asilo, y e situacion financiero di pais Aruba, pa menciona algun cos. Como tal, e decision pa habri e frontera ta algo cu tin cu bay den fase, pues no ta un decision cu por wordo tuma facilmente.