Deporte Social

Aruba Beach Tennis Championship 2022 tei bek

Despues di 2 aña di ausencia, debi na e pandemia, e organisacion a bolbe tuma e encargo pa organisa e torneo aki. “No tabata fasil. Cos a cuminsa move hopi slow, hungadornan a tarda pa confirma. Tur esaki debi na e situacion financiero mundialmente. Pero asina mes nos no a baha cabes, nos a keda cu e entusiasmo halto, cu e speransa cu mas e dia aseca, e cantidad di hungador lo aumenta. Y esaki ta exactamente loke a pasa”, asina Sjoerd de Vries a comenta durante un entrevista. E torneo lo bolbe tuma lugar na Bushiri Beach, cu espacio amplio pa parkeer. Mas di 1200 participante, di 40 diferente pais, lo ta batayando pa gana premionan na un balor total di $60,000.00 E programa ta como lo siguiente:

Gobierno Social

MINISTER ENDY CROES :

ORANJESTAD: Diasabra ultimo e proyecto “Op Zoek naar Boy” a yega na su final cu e develacion di un mural y un obra di teatro dedica na nos heroe di segunda guera mundial Boy Ecury. Un hoben balente y integro cu sigur ta un ehempel pa nos tur. E proyecto a wordo lansa na luna di februari di e aña aki como un homenahe pa e hoben heroe di Aruba cu a duna su bida dia 6 di november 1944 pa libertad di Aruba y Hulanda. Den un bunita ceremonia na Filomena College den presencia di Gobernador di Aruba, sr. Alfonso Boekhoudt y distinguido esposa, Minister Endy Croes, Minister Xiomara Maduro, Parlamentario Alvin Molina, famia y demas invitadonan special a devela e bunita mural aki.

Noticia Salud

DVG Vacuna Bivalent como Boostershot ta disponibel atrobe

E vacuna Bivalent di Pfizer ta ‘target’ subvariantenan di e variante Omicron cu ta circula y premirando e posibilidad cu fin di aña por trece aumento den casonan di COVID, DVG ta recomenda tur ciudadano cuminsando for di 12 aña cu tin minimo 2 vacuna caba ricibi pa busca nan vacuna Bivalent. E vacuna Bivalent lo wordo duna unicamente como Boostershot, esaki nifica cu pa por ricibi e vacuna e ciudadano mester tin minimo 2 vacuna ricibi caba. Ciudadanonan di 60 aña of mas cu tin 3 of 4 vacuna ricibi caba, tambe ta bin na remarke pa ricibi nan siguiente boostershot como e vacuna Bivalent.

Noticia Salud

DVG ta informa:

ORANJESTAD, Aruba – 09 di november 2022: E vacuna di Influenza of tambe conoci como griepprik ta disponibel pa e grupo den comunidad cu ta na risico di bira hopi malo debi na Influenza. E grupo aki ta consisti di e adulto mayor di 60 aña of mas y tambe di personanan menor di 60 aña pero cu ta sufri di un of mas malesa cronico.
E adulto mayor di 60 aña of mas ta bin na remarke pa ricibi e vacuna di Influenza completamente gratis y NO mester di un recept di dokter di cas. E adulto mayor di 60 aña of mas cu ta desea di ricibi su vacuna di Influenza por ‘WALK IN’ na seccion di Malesanan Infeccioso di DVG y na momento di presenta mester bin cu su carchi di AZV. E adulto mayor cu ta biba den instancianan di cuido lo wordo vacuna na e instancia di cuido mes.

Education Gobierno

Minister Endy Croes:

ORANJESTAD: Recientemente a tuma luga e curso di “Onderwijsrecht” duna pa Profesor Luutsen de Vries, kende tin un contracto pa atende cu e recomendacion number 11 di e Doorlichting Rapport; cu ta encera pa renoba nos leynan den enseñansa pero tambe pa traha leynan cu nunca no tabata existi. Durante su dies dia di estadia na Aruba a organisa cinco dia di e curso “Onderwijsrecht”. Un total di 31 persona di e veld di enseñansa a participa e.o. Inspectie Onderwijs, Directie Onderwijs, Bureau Leerplicht y DPS. E curso tabatin duracion di cinco dia y 2 ora pa dia. E curso di “Onderwijsrecht” a culmina diaranson merdia unda Minister Endy Croes hunto cu profesor de Vries a entrega certificado na e cursistanan cu a finalisa e curso exitosamente.

Education Gobierno

Prome Minister Evelyn Wever-Croes:

ORANJESTAD – En conexion cu e Marcha Pa Nos Derechonan riba Dia International di Mucha dia 19 di November, diaranson 9 di november, Prome Minister Evelyn Wever-Croes a bishita Pius X School pa haci entrega di e prome borchi. Puis X School ta e prome scol cu a pidi un tema specifico relaciona cu articulo 38 di derechonan di mucha.
E articulo ta bisa cu un estado of pais, mester evita cu muchanan menor di 15 aña participa na actividadnan cu ta crea enemistad, y mucha menor di 15 aña no mag di drenta servicio militario. “E derecho aki ta hopi importante pa nos como adulto y mayornan, percura pa e muchanan keda mucha”, Prome Minister a enfatisa.

Noticia Politica

Parlamentario Marco Berlis (MEP):

Durante e reunion publico di presupuesto 2023 mi a lansa diferente preguntanan cu ta preocupando pueblo. Un set di pregunta cu mi a haci tabata relata tocante di e salario minimo. E preguntanan aki a wordo respondi pa ambos minister Glenbert Croes y minister Geoffrey Wever. Ambos minister a contesta cu naturalmente prome cu tuma un decision asina aki, esaki mester cana su proceso. Dia 10 di November SER lo reuni cu e stakeholders pa asina nan por vocifera nan decision pa dia 17 di November. Ministernan a duna un amplio contesta si mester bin un aumento of no y con esaki lo por afecta pero tambe beneficia e homber chikito. A papia di un aumento di 4.3% of 7.7%. En todo caso ta SER lo onderbouw e decision, cual porcentahe esaki lo bira y comparti su recomendacion cu gobierno pronto.

Gobierno Noticia

Minister Dangui Oduber

ORANJESTAD – Diamars mainta Minister di Turismo y Salud Publico Sr. Dangui Oduber tabata na Cas Ariba caminda e mandatario a anuncia e comienso di e proyecto di embeycimento di e anker na Cas Ariba. E idea aki a nace despues cu e mandatario a keda acerca pa e grupo cu ta organisa e weganan popular banda di e dam di Cas Ariba. E proyecto aki a cuadra cu e vision di Gobierno caminda ta inverti den e mehoracion di e producto Aruba.

Politica

Candidato Shannon Henriquez:

Evelyn Wever – Croes a sa di resalta como Prome Minister di Aruba, demostrando su forsa y capacidad di lidera Aruba den un situacion di un di e pio crisisnan di den historia.
A pesar di e diferente retonan cu mester a enfrenta durante di gobernacion manera e pandemia di COVID-19, ciere di frontera entre Aruba y Venzuela y e crisis financiero, door di su perseverancia y determinacion a logra y lo sigui logra soluciona cada obstaculo na caminda. Na bienstar di nos pueblo y nos hendenan cu semper Prome Minister tin den su mente y curason.

International Noticia

Memorandum of Understanding firma entre Caribe Hulandes, e islanan y Hulanda

Brigit Gijsbers, Director General Aviation and Maritime Affairs of the Ministry of Infrastructure and Water Management of the Netherlands and by the Chairman of DCCA, Mr. Joost Meijs, CEO of Aruba Airport. The main theme for this first day was Discovering the undiscovered focusing on the future of Sustainable Aviation. The keynote speech was delivered by Mr. Jorge Rosillo, Corporación América and CEO of the Cargo Terminal of Ecuador, TCE and the Galapagos Ecological Airport, the 1st ecological airport in the world. Mr. Rafael Echevarne, Director General of Airports Council International of the Latin America and Caribbean, and Mrs. Marieke Smit, Program Manager Sustainable Aviation at the Ministry of Infrastructure and Water Management in the Netherlands also gave a presentation on the roadmap to e-flight.