Nos t'ey pa Informa bo
Diamars dia 27 di september, mi tabatin e honor como mandatario di Enseñansa pa introduci dr. Viola Heutger, Rector di Universidad di Aruba pa lesa su discurso inaugural den cuadro di su nombracion como Profesor Titular den e Catedra de ‘Practica Translinguistico den contexto educativo y ramo profesional. Den e mundo academico aki e acto aki ta conoci como “Laudatio”.
Durante di e ‘World Tourism Day Conference’ organisa pa ATA riba diamars ultimo, Dia Mundial di Turismo, e CEO di ATA Sra. Ronella Croes a comparti e cifranan actual di loke ta trata e bishitantenan na nos isla. Asina a haci un comparacion cu mundo, caribe y Aruba – pa medio un grafico – pa loke ta trata e bishitantenan cu ta keda drumi na Aruba for di januari te cu juli 2022 compara cu aña 2019. E resultadonan tabata fenomenal. Den e grafico por mira na nivel di mundo a logra un 57% di recuperacion, den Caribe a yega un nivel di 82% y pa Aruba esaki ta un 94% di recuperacion di nos turismo compara cu aña 2019. E recuperacion aki tin un impacto positivo riba nos ecomonia y tambe nos animo di sigui traha pa nos progresa.
E presentacion di Raad van State riba e prome dia sigur tabata uno interesante. Nan a trata diferente tema manera involvimento di islanan den Tratadonan Internacional. Kico ta e retonan riba e tereno aki y tambe kico ta e beneficionan. Tambe a trata art. 43 lid 2 (waarborg functie) di nos Statuut for di e bril di Raad van State. Loke sigur a resalta ta e sugerencia presenta cu e articulo aki por y mester keda uza den e sentido positivo y di ayudo pa nos islanan. Aki cambio di interpretacion y uzo ta rekeri y mas cu claro e “will” politico.
Regularmente nos ta haya obhetonan den nos salanan cu nos bishitantenan a laga atras. Nos tin varios obheto cu no a wordo reclama te awor.
ARUBA- 29 di september 2022. E pandemia cu mas impacto a haci riba comunidad ta parce di ta tras di lomba y vacunacion sigur a hunga un rol hopi imporante den esaki. Apesar cu casonan di COVID na Aruba actualmente ta bon controla, Aruba mester keda vigila y tene cuenta cu posibel subida den casonan di COVID-19 yegando fin di aña. Esaki diferente profecionalnan ta pensa cu lo por bay pasa, pa cual motibo DVG den colaboracion cu Hulanda a dicidi pa introduci cambio den maneho y cuminsa cu preparacionnan nesesario pa reduci edad di e segundo boostershot di 60 aña pa 12 aña. Y na mes momento cuminsa cu un rond ripititivo di vacunacion pa tur 60+ pa logra e.o. proteha esnan mas vulnerabel y tambe preveni un peso grandi riba nos sistema di cuido medico y seguro di malesa.
Diaranson ultimo den un ambiente super ameno, a tuma lugar na “On The Rocks Café” , e lansamento di e tercer video clip di e banda Honeypot pa aña 2022, cu nan cancion nobo titula “Still Alive”
Ariba 14, 15 y 16 di September 2022, ing. Sr. Facundo Franken, den representacion di Departamento di Agricultura, Cria y Pesca (DLVV), a atende por medio di Zoom, e di 15 foro di e Caribbean Plant Health Directors (CPHD). CPHD ta fungi como e grupo di trabou tecnico di e Caribbean and Agricultural Health Food Safety Agency, cu ariba su mes ta e representante regional di salud di mata abou di e tratado International Plant Protection Convention.
Conforme e Decreto Nacional di dia 13 di juli 2022, entrante 1 di oktober proximo e lista positivo di remedinan cubri pa AZV ta conoce cambio. Kico ta bay cambia y con e asegurado por prepara pa e cambio?
Diaranson atardi, for di Cede di MEP, Lider di MEP, señora Evelyn Wever-Croes a informa riba e actividadnan di partido. Partido Movimento Electoral di Pueblo MEP ta preparando full swing pa campaña 2025. Pa esaki Partido MEP ta organisa un rifa pa recauda fondo. Ticket lo ta Awg 5 solamente. Lo tin 5 premio cash cu e maximo di Awg 10 mil. Sorteo lo ta dia 30 di october durante un actividad ameno riba un diadomingo atardi na unda cu full famia por participa.
ORANJESTAD: Durante conferencia di prensa di Gobierno di Aruba diaranson mainta Minister Endy Croes a elabora riba su reciente biahe pa Boneiro. Na luna di maart di e aña aki a cuminsa papia di e idea hunto cu Minister di Enseñansa, Ciencia, Cultura y Deporte di Curaçao Sithree van Heydoorn y Diputado di Infrastructura y Deporte di Boneiro James Kroon. Riba e fecha special unda a conmemora 40 aña di INDEBON, Instituto di Deporte di Boneiro a firma oficialmente e acuerdo.
